अलीकडेच शिवसेना उद्धव बाळासाहेब ठाकरे गटातील नेत्यांनी फुटीर खासदार आणि पंतप्रधान नरेंद्र मोदी यांच्या भेटीवर टीका केली होती. पंतप्रधानांना स्वतःच्या खासदारांना भेटण्यासाठी वेळ नसतो, संसदेत येण्यासाठी वेळ नसतो, मात्र ते बंडखोर खासदारांना भेटतात, अशी टीका करण्यात आली होती.
दरम्यान, दोन दिवसांपूर्वी उपमुख्यमंत्री एकनाथ शिंदे आणि शिवसेना ठाकरे गटातून शिवसेना शिंदे गटात प्रवेश केलेल्या सहा खासदारांनी पंतप्रधान नरेंद्र मोदी यांची भेट घेतली. या भेटीमुळे राज्याच्या राजकारणात पुन्हा चर्चा सुरू झाली आहे. या भेटीवरून उद्धव ठाकरे यांनी एकनाथ शिंदे यांच्यावर निशाणा साधला होता. त्यांच्या टीकेला आता शिवसेना शिंदे गाटातील नेते गुलाबरापव पाटील यांनी प्रत्युत्तर दिले आहे.
पाटील म्हणाले, “देशाचे पंतप्रधान आहेत, त्यांचा मिनिट टू मिनिट कार्यक्रम असतो. ज्यांना वेळ दिलेली असते त्यांना ते भेटतात. उद्धव साहेबांनी पण वेळ मागावी. त्यांनाही भेटण्यासाठी वेळ मिळेल.”
या वक्तव्यामुळे सत्ताधारी आणि ठाकरे गटातील राजकीय आरोप-प्रत्यारोप पुन्हा चर्चेत आले आहेत. पंतप्रधान मोदी आणि एकनाथ शिंदे यांच्या भेटीवरून राजकीय वातावरण तापले आहे.
Leave a Reply