Gautam Adani Luxurious House: ब्लूमबर्गच्या ताज्या आकडेवारीनुसार, गौतम अदानी हे आशियातील सर्वात श्रीमंत व्यक्ती ठरले आहे. त्यांनी रिलायन्स समूहाचे अध्यक्ष मुकेश अंबानी यांना श्रीमंतीत मागे टाकले आहे. सध्या जगातील श्रीमंतात अदानी यांचा 19 वा क्रमांक आहे. Hindenburg Research अहवालानंतर जागतिक क्रमवारीतून ते बाद झाले होते. त्यांनी आता आशियातील सर्वात श्रीमंत व्यक्तीचा किताब पटकावला आहे. त्यांचे दिल्लीतील आलिशान घर या श्रीमंतीचं प्रतिक आहे.
गौतम अदानी यांचा आलिशान बंगला
मुकेश अंबानी आणि गौतम अदानी यांच्यातील श्रीमंतीचा फरक फार जास्त नाही. मुकेश अंबानी यांच्या अँटालिया या गगनचुंबी इमारतीची चर्चा नेहमीच होते. पण अनेकांना गौतम अदानींच्या दिल्लीतील बंगल्याची माहिती नाही. हा बंगला दिल्लीतील लुंटियंस जोन(Lutyens Bungalow Zone) या सर्वात नवकोट नारायणांच्या परिसरात आहे. हा बंगला भगवान दास रोडजवळ(Bhagwan Das Road) आहे. येथून मंडी हाऊस अगदी जवळ पडते.
हा आलिशान बंगला एखाद्या महलापेक्षा कमी नाही. हा बंगला 3.4 एकरावर पसरलेला आहे. त्याचा बिल्टअप एरिया 25,000 चौरस फूट आहे. तर स्टॉफ क्वार्टर्स 7,000 चौरस फूट जागेवर बांधण्यात आलेले आहे. हा 100 वर्षांहून अधिक जूना दोन मजली बंगला आहे. हा बंगला पूर्वी आदित्य इस्टेट्स कडे होता. दिवाळखोरीत हा बंगला NCLT च्या माध्यमातून अगदी स्वस्तात मिळाला आहे. त्याची एकूण किंमत 1000 कोटी इतकी आहे, पण अदानी समूहाला तो 400 कोटी रुपयांमध्ये मिळाला.
हा बंगला आतून अत्यंत भव्य आणि शानदार आहे. या घराची आतील बाजू कधीही समोर आली नाही. पण काही वृत्तानुसार हा बंगल्यात 7 बेडरूम आहेत. आतील रूम अत्यंत भव्य आणि सजावट केलेल्या आहेत. या बंगल्यात काही अत्यंत भव्य हॉलसह लिव्हिंग रूम आणि डायनिंग रुम आहे. समोर आणि मागील बाजूस मोठा बगीचा मन वेधून घेतो. या बंगल्यात एक अभ्यासिका आहे. या घराला खरंच घरपण असल्याचे सांगितले जाते. तिथली भव्यता, रंग, कलाकुसर आणि वाहनतळ, गार्डनर पाहण्यासारखे असल्याचे सांगितले जाते.
Leave a Reply