90च्या दशकात बॉलिवूडमध्ये काही मोजक्याच जोड्या होत्या ज्या बॉक्स ऑफिसवर अक्षरश: धुमाकूळ घालत होत्या. यामध्ये अभिनेता गोविंदा आणि अभिनेत्री करिश्मा कपूर यांच्या जोडीचा देखील समावेश आहे. दोघांनी एकत्र अनेक चित्रपटांमध्ये काम केले. त्यांनी अनेक हिट सिनेमे दिले त्यासोबतच त्यांची गाणीही प्रेक्षकांना खूप आवडली. आजही लोकांच्या फेव्हरेट प्लेलिस्टचा ते भाग आहेत. दोघांच्या एका अशाच मजेदार रोमँटिक गाण्याबद्दल आम्ही सांगणार आहोत. या गाण्यात एक मोठी चूक झाली होती. पण २९ वर्षांपासून लोक या चुकीकडे दुर्लक्ष करत आहेत. या गाण्याचे बोल प्रसिद्ध गीतकार समीर अनजान यांनी लिहिले होते. नुकत्याच एका मुलाखतीत त्यांनी या गाण्याशी संबंधित एक अतिशय मनोरंजक किस्सा सांगितला.
सर्वात आश्चर्यजनक बाब म्हणजे, हे गाणे आपण सर्वांनी किती तरी वेळा ऐकले आणि गुणगुणवले असेल, पण कधीही त्यातील बोल आणि त्यातील चूक कोणालाही पकडता आली नाही. आता जेव्हा गीतकार समीर यांनी याचा खुलासा केला, तेव्हा लोकांचे लक्ष या गोष्टीकडे गेले. या गाण्याला कुमार सानू आणि अलका याग्निक यांनी आपल्या आवाजात गायले आहे. तर त्याचे संगीत आनंद-मिलिंद यांनी कंपोज केले आहे. आम्ही १९९७ साली आलेल्या सुपरहिट चित्रपट ‘हीरो नंबर १’ मधील गाणे ‘मैं तुझको भगा लाया हूं तेरे घर से, तेरे बाप के डर से’ याबद्दल बोलत आहोत.
समीर यांनी एका मुलाखतीमध्ये सांगितले की, त्यांनी अगदी सहज या गाण्याच्या काही ओळी दिग्दर्शकांना ऐकवल्या होत्या. दिग्दर्शक डेव्हिड धवन यांना त्या ओळी इतक्या आवडल्या की, त्यांनी चित्रपटात ठेवण्याचा हट्ट धरला. समीर यासाठी पूर्णपणे तयार नव्हते. समीर यांनी डेव्हिड धवन यांना खूप समजावण्याचा प्रयत्न केला होता की, हे गाणे चित्रपटाच्या कथानकानुसार पूर्णपणे चुकीचे ठरेल. त्यांनी सांगितले होते की, चित्रपटात ज्या अभिनेत्रीच्या भूमिकेला बापच नाही. अशा स्थितीत गाण्यात ‘तेरे बाप के डर से’ अशा ओळी लिहिणे पूर्णपणे निरर्थक आणि विचित्र होते.
समीर यांना भीती होती की, या लॉजिकच्या कमतरतेमुळे लोक त्यांना वेडे समजतील. पण दिग्दर्शक आपल्या मतावर ठाम होते. चित्रपटाच्या दिग्दर्शकाला आपल्या आवडीवर इतका विश्वास होता की, त्यांनी गीतकार समीर यांना सांगितले होते की, जर कोणी या गाण्याच्या लॉजिकवर प्रश्न विचारला तर ते कायमचे दिग्दर्शन सोडून देतील.
शेवटी समीर यांना त्यांची गोष्ट मान्य करावी लागली. सर्वात आश्चर्याची बाब म्हणजे, चित्रपट रिलीज झाल्यानंतर आजतागायत कोणत्याही प्रेक्षकाचे या गोष्टीकडे लक्ष गेले नाही की, बाप नसलेल्या भूमिकेत हे गाणे कथानकात कसे बसले? दिग्दर्शकाचा हा डाव पूर्णपणे यशस्वी ठरला आणि हे गाणे लोकांच्या जिभेवर चढले. आजही लोक कोणताही प्रश्न न विचारता मजेत हे गाणे ऐकतात. डेव्हिड धवन यांच्या दिग्दर्शनात बनलेल्या या रोमँटिक-कॉमेडी चित्रपटाने बॉक्स ऑफिसवर धुमाकूळ घातला होता. केवळ ६.७ कोटी रुपयांच्या बजेटमध्ये बनलेल्या या चित्रपटाने जगभरात सुमारे ३० कोटी रुपयांची बंपर कमाई केली. विशेषतः ‘मैं तुझको भगा लाया हूं…’ हे गाणे आजही युट्युबवर धमाल माजवत आहे, ज्याला आतापर्यंत १३४ मिलियनपेक्षा जास्त व्ह्यूज मिळाले आहेत.
Leave a Reply