छोट्या पडद्यावर आपल्या अभिनयाने प्रेक्षकांच्या मनात वेगळी ओळख निर्माण करणारी अभिनेत्री शिवानी मुंढेकर सध्या तिच्या नव्या फोटोशूटमुळे सोशल मीडियावर चर्चेत आली आहे.
शिवानीचा हा पारंपरिक आणि ग्लॅमरस अंदाज पाहून चाहते अक्षरशः घायाळ झाले असून चाहते तिच्या सोशल मीडियावरील फोटोंवर कौतुकाचा वर्षाव करताना दिसत आहेत.
शिवानीने या फोटोशूटसाठी गुलाबी रंगाची प्लेन साडी नेसली असून त्यावर हिरव्या रंगाचा आकर्षक ब्लाऊज तिने परिधान केला आहे. गुलाबी आणि हिरव्या रंगाचं हे कॉम्बिनेशन तिच्या सौंदर्यात आणखी भर घालत आहे.
तसेच तिने या लूकला नाजूक मोत्यांच्या दागिन्यांची जोड दिली आहे. हलका मेकअप, सुंदर हेअरस्टाईल आणि चेहऱ्यावरचं मोहक हास्य यामुळे शिवानीचा हा साधा पण उठावदार लूक चाहत्यांचं लक्ष वेधून घेत आहे.
सध्या तिचे हे गुलाबी रंगाच्या साडीमधील फोटो पाहून अनेकांनी तिच्या या फोटोंवर संजय राठोडच्या गुलाबी साडी या गाण्याची आठवण करून दिली आहे. तिचा हा पारंपरिक साडीतील लूक आणि सौंदर्य पाहून चाहत्यांनी तिला नवीन ‘नॅशनल क्रश’ म्हणत कौतुक केलं आहे.
Leave a Reply