दुःख, विरह आणि अपूर्ण प्रेमाच्या भावना व्यक्त करण्यासाठी संगीत हे सर्वात प्रभावी माध्यम मानले जाते.त्यामुळेच अनेकजण आपल्या उदास किंवा भावनिक क्षणी अशा गाण्यांकडे ओढले जातात. काही गाणी काळाच्या ओघात विस्मरणात जातात तर काही गाणी दशकानुदशके लोकांच्या हृदयात कायम घर करून राहतात.
अशाच अमर गीतांपैकी एक म्हणजे 'लंबी जुदाई'. 1983 मध्ये प्रदर्शित झालेल्या Hero या चित्रपटातील हे गाणे हिंदी चित्रपटसृष्टीतील सर्वात हृदयस्पर्शी आणि वेदनादायी गाण्यांपैकी एक मानले जाते. गाण्याला प्रसिद्ध लोकगायिका रेशमा यांनी आपला खास, भावपूर्ण आवाज दिला होता.
‘बडी लंबी जुदाई’ हे गाणे प्रदर्शित होताच श्रोत्यांच्या मनावर अधिराज्य गाजवू लागले. प्रिय व्यक्तीपासून झालेल्या दूराव्याची वेदना या गीतात इतक्या प्रभावीपणे व्यक्त करण्यात आली आहे की आजही हे गाणे ऐकताना अनेकांच्या डोळ्यांत पाणी येते.
गाण्यातील चार दिनों का प्यार ओ रब्बा, बड़ी लंबी जुदाई… ही ओळ आजही श्रोत्यांना जुन्या आठवणींमध्ये घेऊन जाते. याच कारणामुळे हे गाणे पिढ्यान्पिढ्या लोकप्रिय राहिले आहे.
हे गाणे प्रदर्शित होऊन चार दशकांहून अधिक काळ लोटला असला तरी त्याची लोकप्रियता अजिबात कमी झालेली नाही. आजही यूट्यूब, विविध म्युझिक स्ट्रीमिंग प्लॅटफॉर्म्स आणि सोशल मीडियावर हे गाणे मोठ्या प्रमाणात ऐकले जाते. अनेकजण आपल्या भावनिक क्षणांमध्ये या गीताची निवड करतात.
Leave a Reply