सारा अली खान सध्या तिच्या ‘पति पत्नी और वो 2’ चित्रपटामुळे चर्चेत आहे. मात्र यावेळी तिच्या अभिनयापेक्षा तिच्या जुन्या लाइफस्टाइलबद्दलचा एक खुलासा सोशल मीडियावर मोठ्या प्रमाणात व्हायरल होत आहे. एका मुलाखतीत साराने तिच्या कॉलेज काळातील खाण्याच्या सवयींबद्दल मोकळेपणाने सांगितले असून ते ऐकून अनेकजण आश्चर्यचकित झाले आहेत.
सारा अली खानने Curly Tales ला दिलेल्या मुलाखतीत सांगितले की, न्यूयॉर्कमध्ये शिक्षण घेत असताना तिच्या खाण्याच्या सवयी पूर्णपणे अनियंत्रित होत्या. ती रोज दोन मीडियम साइज पिझ्झा आणि तीन चॉकलेट चिप ब्राउनी खात होती. साराने हा काळ विचार न करता खाण्याचा असल्याचे सांगितले. त्या वेळी न्यूट्रिशन किंवा हेल्दी डाएटपेक्षा स्वस्त ऑफर्स आणि डिस्काउंट्सकडेच तिचे जास्त लक्ष असायचे.
ऑफर्सच्या मोहामुळे वाढायचे खाणे
साराने सांगितले की, एका पिझ्झा आउटलेटवर एक पिझ्झा घ्या आणि दुसरा 50 टक्के सवलतीत मिळवा अशी ऑफर असायची. त्यामुळे गरज नसतानाही ती जास्त पिझ्झा ऑर्डर करायची. ती मजेत म्हणाली, त्या वेळी मी नीट गणित लावत नव्हते. तिच्या या वक्तव्यावर चाहत्यांनीही मजेशीर प्रतिक्रिया दिल्या आहेत.
साराने तिच्या सकाळच्या रुटीनबद्दलही खुलासा केला. ती दररोज क्लासला जाताना तीन चॉकलेट चिप ब्राउनी खायची. क्लासपर्यंत चालत जाण्यास फक्त काही मिनिटे लागायची पण त्या वेळेत ती तिन्ही ब्राउनी संपवायची. त्या काळात आपण किती आणि काय खात आहोत, याकडे अजिबात लक्ष नव्हते असेही अभिनेत्रीने सांगितले.
‘केदारनाथ’पूर्वी केला जबरदस्त ट्रान्सफॉर्मेशन
सारा अली खानने दिवंगत अभिनेता सुशांत सिंग राजपूतसोबत केदारनाथ चित्रपटातून बॉलिवूडमध्ये पदार्पण केले. मात्र या चित्रपटापूर्वी तिने स्वतःमध्ये मोठा बदल घडवून आणला. वर्कआउट, नियंत्रित आहार आणि शिस्तबद्ध लाइफस्टाइलच्या मदतीने साराने तब्बल 45 किलो वजन कमी केले होते. तिच्या या ट्रान्सफॉर्मेशनने अनेकांना प्रेरणा दिली होती.
PCOS मुळे वाढले वजन
2019 मध्ये Harper’s Bazaar India ला दिलेल्या मुलाखतीत साराने तिच्या फिटनेस प्रवासाबद्दल सविस्तर सांगितले होते. तिने खुलासा केला की, तिला PCOS हा आजार होता, ज्यामुळे वजन नियंत्रणात ठेवणे तिच्यासाठी कठीण झाले होते. तिने सांगितले की, स्वतःला अभिनेत्री म्हणून सिद्ध करण्यासाठी आणि फिट राहण्यासाठी तिने कठोर मेहनत घेतली.
Leave a Reply