सध्या देशभरामध्ये श्रीकृष्ण जन्माष्टमीचा उत्साह सर्वत्र पाहायला मिळत आहे. गोविंदा गोपाळाच्या जयघोषांमध्ये बाळ गोपाळांचा पाळणा हलवण्याचा सोहळा भक्तीपूर्ण वातावरणात पार पडत आहे. मंदिरांमध्ये आपल्या लाडक्या बाळकृष्णाला पाहण्यासाठी भाविकांची अलोट गर्दी उसळली आहे. श्रीकृष्णाचे मनमोहक रूप डोळ्यात सामावून घेण्यासाठी देशभरातील भाविक मोठ्या संख्येने मंदिरात पोहोचले आहेत.
नंद घरी आनंद झाला, बाळकृष्णाचा पाळणा हल्ला या परंपरेनुसार मध्यरात्री कृष्णजन्माचा सोहळा साजरा केला जातो. या पावन पर्वावर भक्तिभावाचा एक अनोखा संगम अनुभवला जात आहे. अत्यंत सुंदर अशा राधाकृष्णाच्या मूर्तींचे दर्शन घेण्यासाठी भाविकांनी मोठ्या प्रमाणावर गर्दी केली आहे. विशेषतः, भगवान श्रीकृष्णाची जन्मभूमी असलेल्या मथुरेतील दृश्ये अत्यंत विहंगम आहेत, जिथे उत्सव मोठ्या उत्साहात साजरा होत आहे.
कृष्ण जन्माला गं आला बाई, कृष्ण जन्माला आला हे पाळणागीत सगळीकडे गायले जात आहे. या भक्तीपूर्ण वातावरणात बाळकृष्णाच्या जन्मोत्सवाचा आनंद सर्वत्र अनुभवायला मिळत आहे.
Leave a Reply