सामाजिक कार्यकर्ते कराळे मास्तर यांनी नुकत्याच झालेल्या आपल्या अटकेला बेकायदेशीर ठरवले आहे. त्यांच्या म्हणण्यानुसार, सीआरपीसी ॲक्ट ३५(३) नुसार नोटीस न देता त्यांना रात्री ११:३० वाजता अटक करण्यात आली. सर्वोच्च न्यायालयाच्या मार्गदर्शक तत्त्वांचे उल्लंघन झाल्याचेही त्यांनी नमूद केले. कराळे मास्तरांनी दावा केला की, त्यांच्या एका २४ मिनिटांच्या व्हिडिओमधील केवळ एका मिनिटाचा भाग पद्धतशीरपणे कापून त्यांना कचाट्यात पकडण्याचा प्रयत्न करण्यात आला, कारण ते सरकारच्या धोरणांवर वारंवार टीका करतात.
या अटकेमागे राजकीय हेतू असल्याचा आरोप करत, कराळे मास्तरांनी पालकमंत्री पंकज भोयर आणि पृथ्वी शिंदे यांच्यावर गंभीर आरोप केले आहेत. लवकरच एका ऑडिओ क्लिपद्वारे हे सिद्ध करणार असल्याचेही त्यांनी सांगितले. माझ्यावर गुन्हे दाखल करण्यासाठी वरून दबाव होता, असा त्यांचा दावा आहे. त्यांनी विचारले की, सामान्य माणसाने बोलूच नये का? तुरुंगातील अनुभव त्यांना शांत आणि आरामदायी वाटला, जिथे त्यांना सन्मान मिळाल्याचे त्यांनी सांगितले.
Leave a Reply