दिल्लीत सीजेपी आंदोलकांवर अमानुषपणे लाठीमार करणाऱ्या पोलीस आणि केंद्र सरकार विरोधात सर्वत्र संताप व्यक्त होत आहे. तर दुसरीकडे या आंदोलक विद्यार्थ्यांना मदतीचे हातही पुढे येत आहे.वर्ध्यातील नितेश कराळे मास्तर देखील सध्या चर्चेत आले आहेत. नितेश कराळे मास्त नेहमीच सोशल मीडियावर सक्रीय असतात. सीजेपी आंदोलनात काँग्रेससह विरोधी पक्षाने सहभाग का घेतला नाही यावरुन काँग्रेसचे नेते माणिकराव ठाकरे यांना बोल लगावल्याचा कराळे मास्तरांचा व्हिडीओ चांगलाच व्हायरल होत आहे. आता दिल्लीच्या जंतरमंतर कराळे मास्तर डोक्यावरुन बिस्कीट – पाणी घेऊन दाखल झाल्याचा व्हिडीओ व्हायरल झाला आहे. या व्हिडीओची सर्वत्र चर्चा आहे.
आपल्या विशिष्ट लकबीने ठीकाय..म्हणत संवाद साधत एमपीएस्सीसह स्पर्धा परीक्षाच्या विद्यार्थ्यांना शिकवणारे वर्धा येथील कराळे मास्तर नेहमीच चर्चेत असतात. राष्ट्रवादी काँग्रेसचे शरद पवार गटाचे प्रवक्ते असलेल्या कराळे मास्तरांनी गेल्या लोकसभा निवडणूकीत राष्ट्रवादी शरदचंद्र पवार पक्षाचे तिकीट मिळवण्याचा खूप प्रयत्न केला होता. मातोश्रीवर देखील कराळे मास्तर दाखल झाले होते. मात्र, त्यांना तेथे प्रवेश न मिळाल्याने ते नाराज देखील झाले होते.
आता कराळे मास्तरांनी काँग्रेसचे नेते माणिकराव ठाकरे यांना तुम्ही दिल्लीच्या आंदोलनात सामील का झाला नाही यावरुन छेडल्याचा व्हिडीओ व्हायरल होत आहे. त्यातच आता नितेश कराळे मास्तर दिल्लीच्या जंतर-मंतर येथे दाखल झाल्याचा एक व्हिडीओ व्हायरल झाला आहे. कराळे मास्तर आपल्या डोक्यावर बिस्कीट आणि पाण्याची बाटली घेऊन आंदोलकांना वाटप करताना या व्हिडीओत दिसत आहेत.
कराळे मास्तर कोण आहेत ?
नितेश कराळे (कराळे मास्तर) हे वर्धा येथील प्रसिद्ध सामाजिक कार्यकर्ते,वक्ते आणि ‘फिनिक्स अकॅडमी’चे संचालक आहेत. ते राष्ट्रवादी काँग्रेसचे शरद पवार गटाचे प्रवक्ते आहेत. त्यांनी दिल्लीत जंतरमंतरवर काँग्रेसने आंदोलन केले का नाही असा सवाल करत नेते माणिकराव ठाकरे यांना कडाडून जाब विचारला होता.
येथे पाहा व्हिडीओ –
Leave a Reply