बॉलिवूड अभिनेत्री आणि राजकारणी कंगना रनौतने यंदाचा रक्षाबंधनाचा सण आपल्या कुटुंबासोबत उत्साहात आणि पारंपरिक पद्धतीने साजरा केला. या खास दिवसाचे काही सुंदर क्षण तिने सोशल मीडियावर चाहत्यांसोबत शेअर केले.
भावासोबतचे तिचे फोटो समोर येताच चाहत्यांनीही तिच्या साध्या आणि कौटुंबिक अंदाजाचे कौतुक केले. कंगनाने आपल्या भावासोबत आणि वहिनीसोबतचे काही फोटो इन्स्टाग्रामवर पोस्ट केले आहेत.
या फोटोंमध्ये कंगना निळ्या रंगाच्या सुंदर साडीमध्ये दिसत असून तिचा पारंपरिक लूक चाहत्यांचे लक्ष वेधून घेत आहे. एका फोटोमध्ये ती भावाला आणि वहिनीला ओवाळताना दिसत आहे. तर दुसऱ्या फोटोमध्ये ती भावाच्या मनगटावर प्रेमाने राखी बांधताना दिसत आहे.
फोटो शेअर करताना कंगनाने आपल्या भावासाठी भावनिक संदेशही लिहिला. राखीचा हा प्रेमाचा धागा भावाचे आयुष्यभर संकटांपासून रक्षण करो अशी प्रार्थना तिने केली.
तसेच भावाने आई-वडिलांची सेवा करावी, कुटुंबाची प्रतिष्ठा वाढवावी, पत्नीची काळजी घ्यावी आणि मुलांचे सदैव संरक्षण करावे अशा शुभेच्छाही तिने दिल्या. भावाला नेहमी निरोगी, आनंदी आणि यशस्वी पाहण्याची इच्छा तिने व्यक्त केली.
Leave a Reply