खासदार ओमराजे निंबाळकर यांनी शिवसेना शिंदे गटात प्रवेश केला. फक्त ओमराजे निंबाळकर हेच नाही तर त्यांच्यासोबत 5 खासदारांनी शिवसेना शिंदे गटात प्रवेश केला. एकाच वेळी 6 खासदारांनी पक्ष सोडत बंडखोरी केल्याने मोठा धक्का उद्धव ठाकरे यांना बसला. याच पार्श्वभूमीवर उद्धव ठाकरे यांनी बंडखोर खासदारांच्या मतदार संघात दाैरा करण्याचा मोठा निर्णय घेतला. खासदारांनंतर आता शिवसेना ठाकरे गटातील आमदारही बंडखोरी करणार असल्याची जोरदार चर्चा सुरू आहे. दरम्यानच आमदारांना फुटण्यापासून रोखण्यासाठी ठाकरे गटाकडून पाऊले उचलली जात आहेत. ओमराजे निंबाळकर यांच्या शिवसेना शिंदे गटातील प्रवेशाना धाराशिवमध्ये ठाकरे गटाला मोठे खिंडार पडले आहेत. मात्र, एक पोस्ट सोशल मीडियावर शेअर करण्यात आली. विशेष म्हणजे ही पोस्ट माजी आमदाराच्या मुलाने शेअर केली, ज्याने वादाला तोंड फुटले.
ओमराजे निंबाळकरांनी उमरग्यात येऊन शिवसैनिकांची माफी मागावी”, अशी पोस्ट शुभम चौगुले यांनी सोशल मीडियावर शेअर केली. शुभम चौगुले हा शिवसेनेचे माजी आमदार ज्ञानराज चौगुले यांचा मुलगा आहे. त्याच्या या पोस्टने वादात ठिंगणी पडली. धाराशिव जिल्ह्याच्या राजकारणात नव्या चर्चेला तोंड फुटले असून माजी आमदार ज्ञानराज चौगुले यांचा मुलगा शुभम चौगुले यांनी खासदार ओमराजे निंबाळकर यांच्यावर टीका करणारी पोस्ट सोशल मीडियावर शेअर केली आहे.
ही पोस्ट सध्या मोठ्या प्रमाणात व्हायरल होत असून राजकीय वर्तुळात चर्चेचा विषय बनली आहे. शुभम चौगुले यांनी आपल्या पोस्टमध्ये माजी खासदार रवींद्र गायकवाड यांचे खासदारकीचे तिकीट कापण्यात आल्याचा उल्लेख करत, खोटे आश्वासन देऊन अनुभव नसलेल्या व्यक्तीला उमरग्याचे आमदार करण्यात आले, असा आरोप केला आहे. यामुळे अनुभवी नेते ज्ञानराज चौगुले यांचा पराभव झाल्याचेही त्यांनी म्हटले आहे.
पोस्टमध्ये पुढे म्हटले की, उशिरा का होईना तुम्हाला शिंदेंच्या दूरदृष्टीची जाणीव झाली, ही चांगली गोष्ट आहे. मात्र, या सर्व घटनांमुळे उमरगा तालुक्यातील शिवसैनिकांच्या मनात नाराजी आहे. जर पुन्हा विश्वास संपादन करायचा असेल तर ओमराजे निंबाळकर यांनी उमरग्यात येऊन रवींद्र गायकवाड, ज्ञानराज चौगुले आणि समस्त शिवसैनिकांची जाहीर माफी मागावी.. या पोस्टमुळे उमरगा तालुक्यातील राजकीय वातावरण तापले असून शिवसेना आणि स्थानिक राजकारणात नव्या चर्चांना उधाण आले आहे.
Leave a Reply