अभिनेता सलमान खानच्या चित्रपटात एकेकाळी नोकरची भूमिका साकारून फक्त 50 रुपये कमावणारा हा चेहरा आता टेलिव्हिजन इंडस्ट्रीतील सर्वांत मोठा स्टार बनला आहे. गेल्या सोळा वर्षांपासून या अभिनेत्याने एकाच मालिकेवर असा कब्जा मिळवला आहे की, आता त्याच्याशिवाय मालिकेची कोणी कल्पनाच करू शकत नाही. आज तोच कलाकार एका दिवसासाठी जवळपास दीड लाख रुपये मानधन स्वीकारतोय. या अभिनेत्याकडे आता कोट्यवधींची संपत्ती असून लहानांपासून मोठ्यांपर्यंत सर्वजण त्याचे चाहते आहेत.
ज्या अभिनेत्याबद्दल आम्ही बोलत आहोत, तो दुसरा-तिसरा कोणी नसून ‘तारक मेहता का उल्टा चष्मा’मधील दिलीप जोशी आहे. लोक त्यांना त्यांच्या खऱ्या नावाने कमी आणि ‘जेठालाल’ म्हणूनच अधिक ओळखतात. दिलीप जोशी यांनी 1989 मध्ये ‘मैंने प्यार किया’ या सलमान खानच्या चित्रपटातून करिअरची सुरुवात केली होती. या चित्रपटात त्यांनी सलमान खानच्या नोकराची खोटी भूमिका साकारली होती. मिळालेल्या माहितीनुसार, त्या भूमिकेसाठी त्यांना त्यावेळी फक्त पन्नास रुपये मानधन मिळालं होतं. त्यावेळी कदाचित कोणीच हा विचार केला नसेल, की पुढे जाऊन ते टेलिव्हिजनवरील सर्वांत मोठे स्टार बनतील.
View this post on Instagram
‘मैंने प्यार किया’ या पहिल्या चित्रपटानंतर जेव्हा अपेक्षेप्रमाणे काम मिळत नव्हतं, तेव्हा दिलीप जोशी यांनी अभिनयातून काही काळ ब्रेक घेऊन ट्रॅव्हल एजन्सीचं काम करण्यास सुरुवात केली होती. काही वर्षांपर्यंत त्यांनी हेच काम केलं. नंतर 2008 मध्ये त्यांना त्यांच्या करिअरमधील सर्वांत मोठी ऑफर मिळाली. ‘तारक मेहता का उल्टा चष्मा’ या मालिकेत त्यांना जेठालालची भूमिका मिळाली आणि बघता बघता ते घराघरात लोकप्रिय झाले. आजही या शोचा उल्लेख केला तर सर्वांत आधी जेठालालचंच नाव घेतलं जातं.
‘तारक मेहता का उल्टा चष्मा’ या मालिकेला आता सोळा वर्षे झाली आहेत. मात्र तरीही या मालिकेची आणि त्यातील भूमिकांविषयीची क्रेझ काही कमी झाली नाही. जेठालालचं कॉमिक टायमिंग, मजेशीर अंदाज यांमुळे टीव्हीवरील ही सर्वांत लोकप्रिय भूमिका ठरली आहे. या मालिकेसाठी सर्वाधिक मानधन घेणाऱ्या कलाकारांमध्ये दिलीप जोशी अग्रस्थानी आहेत. रिपोर्ट्सनुसार एका एपिसोडसाठी ते जवळपास दीड लाख रुपये मानधन घेतात. ही मालिका आठवड्यातून पाच दिवस टेलिकास्ट होते. म्हणजेच या मालिकेतून दर आठवड्याला ते लाखो रुपयांची कमाई करतात.
Leave a Reply