अमेरिकेचे अध्यक्ष डोनाल्ड ट्रम्प यांच्याबाबत एक अत्यंत मोठा खुलासा पुढे आला. याबाबत व्हाईट हाऊसमधील वरिष्ठ कर्मचाऱ्यांनाही माहिती नव्हती. रिपोर्टनुसार, जुलै महिन्यात डोनाल्ड ट्रम्प तुर्कीला गेले होते. यावेळीच गुप्त सुरक्षा ऑपरेशन राबवण्यात आले. यावेळी इराणचा धोका लक्षात घेता ऐनवेळी कोणालाही खबर न लागू देता डोनाल्ड ट्रम्प यांना ठरवलेले विमान सोडून दुसऱ्या विमानात बसवण्यात आले आणि अगोदरच्याच विमानात डोनाल्ड ट्रम्प आहेत, असे भासवण्यात आले. हे ऑपरेशन त्यांनी इतके जास्त गुप्त ठेवले की, कोणालाही याबाबत माहिती कळू दिली नाही. मीडियापासूनही त्यांनी ही माहिती लपवली. डोनाल्ड ट्रम्प जुलै महिन्यात नाटो शिखर सम्मेलनात तु्र्कीच्या अंकारा येथे पोहोचले होते.
यावेळी कतरकडून मिळालेले बोइंग 748-8 विमान पण होते. ज्याला एअर फोर्सच्या वन वे प्रमाण तयार केले. पण तुर्कीहून ब्रिटेनला जाताना मोठा निर्णय घेण्यात आला. डोनाल्ड ट्रम्प यांना जाणून बुजून एअर फोर्सच्या वन वे मध्ये चढताना दाखवण्यात आले. मात्र, यावेळी त्यांना एका कैटरिंग ट्रकच्या आडून दुसऱ्या विमानात पोहोचवण्यात आले.
सी-32 विमानाने त्यांना तुर्कीच्या बाहेर काढण्यात आले. मुद्द्यात संभ्रम निर्माण करण्यासाठी अगोदरचे विमानाचे उड्डाण करण्यात आले. दोन्ही विमानामध्ये थोडा अंतर होता. इराणकडून मोठा हल्ला होऊ शकतो, म्हणजे अमेरिकेच्या गुप्तचर यंत्रणांनी हा निर्णय घेतला. याबाबत फार कमी लोकांना माहिती होती. व्हाईट हाऊसने सुरक्षेच्या कारणाने हा निर्णय घेतल्याचे सांगितले जाते.
आता काही दिवसानंतर हा खुलासा करण्यात आला. इराणकडून डोनाल्ड ट्रम्प यांच्या हत्येचा कट रचला जात असल्याचा गंभीर आरोप काही दिवसांपूर्वीच इस्त्रायलने केला. मात्र, अमेरिकेच्या गुप्तचर विभागाने स्पष्ट केले की, हा जुना कट आहे, यात नवीन काहीही नाही. इराणमधून डोनाल्ड ट्रम्प यांच्या हत्येच्या धमक्या दिल्या जात आहेत. काही दिवसांपूर्वीच एक मोठी रॅली निघाली, या रॅलीतील भाषणात डोनाल्ड ट्रम्प यांच्या हत्येबाबत भाष्य करण्यात आले.
Leave a Reply