इंटरनेटशिवाय चालणार, जगातला पहिला D2M फोन, फ्रीमध्ये पाहा लाईव्ह Live TV

भारतात आता मोबाईल फोनच्या तंत्रज्ञानाचे नवे युग सुरु होणार आहे. खुशटेक कोरिया कंपनीने दावा केला आहे की त्यांनी जगातला पहिला D2M फिचर फोन तयार केला आहे. ज्यास भारत तयार केला जात आहे. या फोनची सर्वात मोठी खासियत म्हणजे यात इंटरनेट शिवाय वा वाय-फाय नसतानाही फ्री लाईव्ह टीव्ही चॅनल पाहाता येणार आहे. फोनमध्ये टीव्हीचे सिग्नल पकडण्यासाठी इन- बिल्ट अँटेना देण्यात आला आहे. कंपनीने म्हटले आहे की हे तंत्रज्ञान फोन बाजाराचे स्वरुप पालटणारे ठरणार आहे.

विना इंटरनेट चालणार लाईव्ह टीव्ही

या फोनची सर्वात मोठी खास बाब म्हणजे D2M म्हणजे डायरेक्ट-टू-मोबाईल तंत्रज्ञान असणार आहे. यात ATSC 3.0 तंत्रज्ञानाचा वापर केलेला आहे. याच्या मदतीने युजर विना मोबाईल डेटा, इंटरनेट आणि वायफाय शिवाय थेट लाईव्ह टीव्ही आणि फ्री चॅनल पाहू शकणार आहेत. चांगल्या सिग्नल रिसेप्शनसाठी फोनला बाहेर निघणारा एक इन-बिल्ट अँटेना असणार आहे. कंपनीने दावा केला आहे की हे तंत्रज्ञान जेथे इंटरनेटचे कनेक्टिव्हीटी कमजोर आहे तेथेही उपयोगी सिद्ध होणार आहे. D2M तंत्रज्ञानाला भविष्यातील ब्रॉडकास्टींग तंत्रज्ञान मानले जात आहे. आणि भारतात त्याच्या वापरा संदर्भात सतत चाचण्या सुरु आहेत.

फिचर फोनमध्ये मिळणार गरजेचे स्पेसिफिकेशन

खुशटेक कोरियाच्या या D2M फिचर फोनमध्ये 2.4 इंचाचा QVGA TFT डिस्प्ले देण्यात आला आहे.ज्याचे रिझॉल्युशन 320×240 पिक्सेल आहे. फोनचा फ्रंट ग्लासने तयार केलेला असून फ्रेम आणि बॅक पॅनल प्लास्टिकचे आहे.या फोनचे वजन सुमारे 220 ग्रॅम म्हटले जात आहे. हा डिव्हाईस 2G आणि 4G LTE नेटवर्कला सपोर्ट करतो. मात्र यात 5G कनेक्टिविटी मिळणार नाही. फोनमध्ये दोन नॅनो सिम लावण्याची सुविधा असेल. हा फोन गुगल एंड्रॉईडवर नाही तर ThreadX ऑपरेटिंग सिस्टीमवर चालतो. यात युनिसोक UMS9117-L प्रोसेसर देण्यात आला आहे. तसेच 64 MB रॅम आणि128 MB इंटरनल स्टोरेज मिळते. यास मायक्रो एसडी कार्डने 128GB पर्यंत वाढवता येईल.

कॅमेरा, बॅटरी आणि डिजिटल फिचर्स

या फोनच्या मागच्या बाजूला 0.3 मेगा पिक्सेलचा कॅमेरा दिलेला आहे. यात टॉर्चची देखील सुविधा आहे. ऑडिओसाठी यात 0.8W मोनो स्पिकर आणि 3.5mm इअरफोन जॅक देण्यात आला आहे. या फोनमध्ये 1800mAh ची रिमुव्हेबल बॅटरी मिलते. तिला बदलण्याची सोय आहे.चार्जिंगसाठी युएसबी टाईप-सी पोर्ट देण्यात आला आहे. जो 2.5W चार्जिंगला सपोर्ट करतो. वायरलेस कनेक्टिव्हीटीसाठी ब्ल्युटुथ 5.0 आणि एफएम रेडियो देखील उपलब्ध आङे. कंपनीच्या मते कॉलिंग, लाईव्ह टीव्ही, डेटा उपयोग आणि डिजिटल पेमेंटशी संबंधित एप्स यात इंस्टॉल असतील. सध्या या फोन प्रोडक्शनच्या टप्प्यात आहे आणि लवकरच तो बाजारात उतरवला जाईल. लावा आणि नोकिया सारख्या कंपन्या देखील D2M तंत्रज्ञानाच्या फिचर फोनवर काम करत आहेत

Source link