दिल्लीतील जंतर मंतर येथे सुरू असलेल्या आंदोलनाच्या पार्श्वभूमीवर दिल्ली पोलिसांच्या स्पेशल टीमने मुंबईत कारवाई केली आहे. या आंदोलनाच्या आडून काही युट्यूब चॅनेल किंवा आंदोलन भडकवण्यासाठी मुंबईतून निधीपुरवठा (फंडिंग) होत असल्याचे तपासात निदर्शनास आले होते. त्याअनुषंगाने दिल्ली पोलिसांची स्पेशल टीम काल मुंबईत आली होती. या टीमध्ये धडक कारवाई केली आहे.
नेमकं काय घडलं?
सूत्रांनी दिलेल्या माहितीनुसार, दिल्ली पोलिसांनी मुंबई गुन्हे शाखेच्या पोलिसांच्या मदतीने वरळी येथील एका ठिकाणी सर्च ऑपरेशन केले. या कारवाई दरम्यान काही जणांना ताब्यात घेण्यात आले असून, त्यांना पुढील तपासासाठी दिल्लीला नेण्यात आल्याची माहिती सूत्रांकडून मिळाली आहे.
संबंधित व्यक्तींना ताब्यात घेतले
दिल्ली पोलिसांच्या तपासात असे समोर आले होते की, जंतर मंतर येथील आंदोलनाच्या नावाखाली काही युट्यूब चॅनेलद्वारे किंवा आंदोलन भडकवण्याच्या हेतूने मुंबईतून आर्थिक मदत पुरवली जात होती. या संशयाच्या आधारे दिल्ली पोलिसांनी मुंबईत कारवाई केली. वरळीतील सर्च ऑपरेशनमध्ये संबंधित व्यक्तींना ताब्यात घेतल्यानंतर त्यांची चौकशी सुरू करण्यात आली आहे. या प्रकरणात आणखी तपास सुरू असून, दिल्ली पोलिस आणि मुंबई गुन्हे शाखा एकत्रितपणे पुढील कारवाई करत असल्याचे सूत्रांचे म्हणणे आहे. आंदोलनाच्या नावाखाली होणाऱ्या निधीपुरवठ्याच्या आणि संबंधित युट्यूब चॅनेल्सच्या भूमिकेबाबत अधिक माहिती तपासात समोर येण्याची शक्यता आहे.
कॉकरोच जनता पार्टीचा विजय
दिल्लीत जंतर मंतर येथे नीट पेपर फुटी प्रकरणी विद्यार्थांचे आंदोलन सुरु होते. कॉकरोच जनता पार्टीचे संस्थापक अभिजीत दीपके यांनी लाखो विद्यार्थांनासह केंद्रीय शिक्षण मंत्री धर्मेंद्र प्रधान यांच्या राजीनाम्याची मागणी केली. आता त्यांनी राजीनामा दिल्याचे समोर आले आहे. त्यांच्या राजीनाम्यानंतर राज्यात राजकीय घडामोडींना वेग आला आहे. मुख्यमंत्री देवेंद्र फडणवीस यांना अमित शाह यांचा फोन आला आणि त्यानंतर ते दिल्लीला रवाना झाले. त्यापाठोपाठ एकनाथ शिंदे देखील दिल्लीला रवाना होणार असल्याचे समोर आले आहे. एकनाथ शिंदे हे सध्या ठाण्यात आहेत. पण संध्याकाळी ते अमित शाह यांच्या भेटीसाठी दिल्लीला रवाना होणार आहे. आता या भेटीत नेमकं काय घडणार? याकडे सर्वांचे लक्ष लागले आहे.
Leave a Reply