Dr Shriram Nene Weoight Loss Tips: हल्ली सर्वजण हेल्थ कॉन्शस झालेले दिसत आहेत. वजन कमी करण्यासाठी लोक अनेक प्रकारचे फॅन्सी डाएटचा वापर करत असून त्याचे स्वतंत्र साईड इफेक्ट देखील असतात. परंतू बॉलीवूड अभिनेत्री माधुरी दीक्षित यांचे पतीन डॉ.श्रीराम नेने यांची मत मात्र वेगळे आहे. डॉ.नेणे सोशल मीडियावर नेहमी आरोग्य आणि फिटनेस संदर्भात टीप्स देत असतात. त्यांच्या मते वजन कमी करणे म्हणजे खाणे-पिणे सोडणे असे बिलकूल नाही.
फिटनेसचा अर्थ एक अशी लाईफस्टाईल स्वीकारणे जी दीर्घकाळापर्यंत काम करेल आणि भविष्यात शरीराला कोणत्याच अडचणीत आणणार नाही. वजन कमी करण्यासाठी नेमके काय करावे याची माहिती डॉ. श्रीराम नेने यांनी दिली आहे.
शॉर्ट-टर्म गोल्सपासून दूर राहा
आजकाल अनेक लोक वजन कमी करण्यासाठी खूप घाई करतात. उदाहरणार्थ ३० दिवसात १० किलो वजन कमी करण्याचे ध्येय ठेवणे वा तीन महिन्यात २० किलो वजन कमी करणे आदी. अशा प्रकारचे शॉर्टटर्म्स गोल नेहमीच धोकादायक असतात असे डॉ. नेणे यांनी म्हटले आहे.वजन कमी करण्यासाठी शरीराला हळूहळू सवय लावायला हवी.तुमचे लक्ष्य लॉर्ग टर्म असायला हवे. कोणताही क्रॅश डाएट प्रोग्रॅम तुमचा काही आठवड्यात तुमचे अवसान गाळतो.वजन कमी करण्याची चांगला मार्ग म्हणजे स्वत:च्या कॅलरीवर कायम लक्ष ठेवणे होय असेही डॉ.श्रीराम नेणे यांनी म्हटले आहे.
तुमच्या भूकेपेक्षा रोज २०० ते ४०० कॅलरी कमी खाणे तुम्हाला कॅलरी डिफिसिटमध्ये राखते आणि हा वजन कमी करण्यासाठीची शास्रशुद्ध पद्धत आहे.
काय खावे आणि काय खाऊ नये ?
डाएट संदर्भात टीप्स देताना डॉ.नेने सांगतात की संपूर्णपणे कार्ब्स बंद करणे ही काही समजदारी नाही. कारण यामुळे शरीरातील एनर्जी कमी होते आणि तुम्हाला कमजोर जाणवू शकते. याच्या जागी तुम्ही कॉम्प्लेक्स कार्ब्सची निवड करु शकता.
डाएटमध्ये होल ग्रेन, नट्स आणि भरपूर प्रोटीनचा समावेश करा. जर तुम्ही प्रवासात असाल तर स्वत:च्या सोबत शेंगदाण्यासारखे हेल्दी स्नॅक्स सोबत ठेवू शकता. जंक फूड आणि प्रोसेस्ड फूड पासून दूर राहाणे गरजेचे असते. कधीतरी तुमच्या आवडीचे जेवण खाण्यात काहीच हरकत नाही, परंतू कॅलरीवर लक्ष ठेवा असे ते म्हणतात.
केवळ या गोष्टींची काळजी घ्या –
वजन कमी करण्यासाठी जर तुम्ही कॅलरी डेफिसिटमध्ये राहाल तर वजन लवकर कमी होईल. हेल्दी डेफिसिट क्रिएट करण्यासाठी तुम्ही फिजिकल एक्टिव्हीटी देखील करु शकता. उदा. जिमला जाणे, पोहणे, धावणे, सायकलिंग करणे आदी. परंतू नेहमी ध्यानात ठेवा तुमच्या शरीराला ओव्हर ट्रेन करु नका. रिकव्हरी देखील गरजेची असते, अन्यथा त्याचेही तोटे आहेत.
Leave a Reply