न्यायालयाने भारतीय कुस्ती महासंघाचे माजी अध्यक्ष ब्रिजभूषण शरण सिंह यांना महिला कुस्तीपटूंवरील लैंगिक छळाच्या प्रकरणात निर्दोष मुक्त करून दिलासा दिला आहे. अपेक्षेप्रमाणे, ब्रिजभूषण यांच्या विरोधात आंदोलनाचे नेतृत्व करणारी महिला कुस्तीपटू विनेश फोगट या निर्णयावर नाराज असून, तिने या निर्णयाला आव्हान देण्याचा निर्णय घेतला आहे. दिल्ली न्यायालयाने सहा महिला कुस्तीपटूंच्या लैंगिक छळाच्या प्रकरणात ब्रिजभूषण यांची निर्दोष मुक्तता केली. विनेशने साक्षी मलिक आणि बजरंग पुनिया यांच्यासोबत 2024 च्या सुरुवातीला ब्रिजभूषण यांच्या विरोधात आंदोलन सुरू केले होते आणि जंतर मंतरवर निदर्शने केली होती.
न्यायालयाने जो निर्णय दिला तो ब्रिजभूषण शरण सिंह यांच्या बाजूने दिला. यामुळे न्यायालयाच्या निर्णयानंतर, विनेशने इन्स्टाग्रामवर पोस्ट केली. या पोस्टमध्ये तिने न्यायालयाच्या निर्णयावर नाराज असल्याचे म्हटले आहे. तर या निर्णयाला आव्हान देणार असल्याचे म्हटले आहे. तिने लिहिले, “सत्ताधारी पक्षाच्या एका शक्तिशाली नेत्याविरुद्ध रस्त्यावर उतरून एफआयआर दाखल करण्यासाठी आम्हाला खूप धाडस लागले. आपल्या सत्तेचा आणि बाहुबली वापर करून, ब्रिजभूषणने अनेक मुलींना धमकावून त्यांची नावे मागे घ्यायला लावली. परंतु अनेक महिला कुस्तीपटू पुढे आल्या आणि न्यायालयात ब्रिजभूषणविरुद्ध लढा देत राहिल्या. महिला कुस्तीपटूंनी केलेल्या लैंगिक हिंसाचाराच्या आरोपांमध्ये न्यायालयाने ब्रिजभूषण शरण सिंग यांना दोषी ठरवले नाही, याचे आम्हाला तीव्र दुःख आहे. अगदी सुरुवातीपासूनच, संपूर्ण यंत्रणा, सरकार आणि स्वतः यंत्रणाही ब्रिजभूषणचे संरक्षण करण्यासाठीच काम करत आहे. महिला कुस्तीपटूंनी त्यांच्या वकिलांना या निर्णयाविरुद्ध अपील करण्याचे निर्देश दिले आहेत आणि हे लवकरच केले जाईल. आम्ही आशा सोडलेली नाही. कुस्तीपटू आपला लढा सुरूच ठेवतील.”
— Vinesh Phogat (@Phogat_Vinesh) August 3, 2026
बजरंग पुनिया यांनी निकालावर निराशा व्यक्त करत म्हटले, “आजच्या निर्णयावरून हे स्पष्ट झाले आहे की, सर्व सत्ता ब्रिज भूषण यांच्या हातात आहे. त्यांनी साक्षीदारांना हाताळले. आम्ही न्यायालयाचा आदेश शोधण्याचा प्रयत्न करत आहोत आणि कोणत्या आधारावर त्यांची निर्दोष मुक्तता करण्यात आली हे आम्हाला समजत नाही.”
Leave a Reply