श्रीलंका ‘अ’ संघाविरुद्धच्या त्रिकोणीय मालिकेच्या अंतिम सामन्यात इतिहास रचण्याच्या उंबरठ्यावर असलेला युवा भारतीय सलामीवीर वैभव सूर्यवंशी अखेर बाद झाला. अवघ्या 29 चेंडूंमध्ये 94 धावांची धडाकेबाज खेळी केल्यानंतर, लिस्ट ‘अ’ क्रिकेटच्या इतिहासातील सर्वात जलद शतकाचा विक्रम हुकल्याने वैभव बाद झाला. चौकार आणि षटकारांची उधळण करत श्रीलंकेच्या गोलंदाजांना चोप देणारा वैभव शतकापासून केवळ सहा धावा दूर होता, तेव्हा श्रीलंकेच्या कर्णधाराने आपल्या संघाला मोठा दिलासा दिला. डावाच्या नवव्या षटकात घडली, जेव्हा श्रीलंका ‘अ’ संघाचा कर्णधार सहन अराचिगे गोलंदाजीसाठी आला होता. षटकाच्या पाचव्या चेंडूवर, अराचिगेने एक फिरकी चेंडू टाकला, जो वैभवने मिड-ऑफवरून मारण्याचा प्रयत्न केला. मात्र, चेंडू बॅटला नीट लागला नाही आणि थेट क्षेत्ररक्षक विजयकांत व्यासकांतच्या हातात गेला. वैभव बाद होताच, संपूर्ण श्रीलंकन संघाने जणू सामना जिंकल्याप्रमाणे जल्लोष केला, कारण वैभवने भारतीय संघाला सामन्यात खूप पुढे नेले होते.
या सनसनाटी खेळीत, वैभवने केवळ 29 चेंडूंचा सामना करत जवळपास 400 च्या आश्चर्यकारक स्ट्राईक रेटने 94 धावा केल्या, ज्यात 10 शानदार चौकार आणि 8 उत्तुंग षटकारांचा समावेश होता. जर वैभव या चेंडूवर बाद झाला नसता आणि त्याने षटकार मारला असता, तर त्याने लिस्ट ए क्रिकेटमधील सर्वात जलद शतकाचा महान एबी डिव्हिलियर्सचा (31 चेंडू) विक्रम मोडला असता. त्याच्या बाद होण्यामुळे डिव्हिलियर्सचा जागतिक विक्रम अबाधित राहिला, तर वैभव इतिहास रचण्यापासून थोडक्यात चुकला.
लिस्ट ए क्रिकेटमधील सर्वात जलद शतकाचा जागतिक विक्रम युवा ऑस्ट्रेलियन फलंदाज जेक फ्रेझर-मॅकगर्कच्या नावावर आहे. ऑस्ट्रेलियन देशांतर्गत क्रिकेटमध्ये दक्षिण ऑस्ट्रेलियाकडून खेळणाऱ्या मॅकगर्कने टास्मानियाविरुद्ध अवघ्या 29 चेंडूंमध्ये आपले शतक पूर्ण केले. आज 29 व्या चेंडूवर वैभव बाद झाला, त्यामुळे मॅकगर्कचा उल्लेखनीय विक्रम मोडला गेला नाही. जरी वैभवचे शतक हुकले असले तरी, त्याच्या निर्भीड खेळीने इंडिया ‘अ’ संघाला अंतिम सामन्यात अत्यंत मजबूत स्थितीत आणले आहे. वैभवला जरी शतक पूर्ण करता आले नसले तरीही त्याने श्रीलंकेच्या गोलंदाजांना ज्याप्रकारे चोपले ते अतिशय उल्लेखनीय आहे. वैभवने मागील सामन्यातील राड्याचे उत्तर बॅटने दिले.
Leave a Reply