Urmila Matondkar Net Worth : उर्मिला मातोंडकर ही बॉलिवूडमधील प्रसिद्ध अभिनेतीर. 90 चा काळ गाजवणाऱी ही अभिनेत्री फक्त दिसायलाच सुंदर नाही तर तिच्या अभिनयाचं नाणंही खणखणीत वाजत. रंगीला, भूत, कौन, एक हसीना थी, पिंजर असे एकाहून एक सरस चित्रपट देणाऱ्या उर्मिलाच्या प्रोफेशनल आयुष्याप्रमाणेच तिचं वैयक्तिक आयुष्यही चर्चेत असतं. चित्रपटसृष्टीत सध्या फार कार्यरत नसलेली उर्मिलाच्या वैयक्तिक आयुष्यात खूप मोठा वादळ येऊन गेलं. दोन वर्षांपूर्वी तिचा घटस्फोट झाला. मोहसीन अख्तर याच्याशी असलेला तिचा 8 वर्षांचा संसार क्षणात मोडला. आणि आता उर्मिलाच्या पूर्वी पतीने, मोहसीनने पुन्हा लग्न केल्याची बातमी समोर आली आहे.
उर्मिला मातोंडकरने काश्मिरी बिझनेसमन मोहसिन अख्तरशी लग्न केलं होतं. तो तिच्यापेक्षा 10 वर्षांनी लहान. मात्र लग्नाच्या आठ वर्षांनंतर हे दोघं विभक्त झाले. 2016 साली त्यांचं लग्न झालं मात्र 2024 मध्ये या दोघांनी घटस्फोट घेतल्याचं जाहीर केलं. पहिला संसार मोडल्यानंतर अवघ्या काही काळाततच बिझनेसमन असलेल्या मोहसीनने दुसरा विवाह केला. सोशल मीडियावरील अकाऊंटवरून मोहसीनने निधा भट्टसोबतच्या निकाहचे फोटो शेअर केले.
उर्मिलाचं नेटवर्थ किती ?
पूर्व पतीच्या दुसऱ्या लग्नामुळे उर्मिला पुन्हा चर्चेत आली असून त्या दोघांपैकी अधिक श्रीमंत कोण, उर्मिलाची संपत्ती किती, तिची लाइफस्टाइल याबद्दल जाणून घेण्यास चाहते उत्सुक आहेत. रिपोर्ट्सनुसार, उर्मिला मातोंडकरची एकूण संपत्ती 68 कोटी रुपये असून ती आलिशान जीवनशैली जगते.
मिळालेल्या माहितीनुसार, उर्मिलाकडे 1.48 लाख रुपये किमतीचे सोन्याची नाणी आहेत. याव्यतिरिक्त, तिच्याकडे कोट्यवधी रुपये किमतीचे दागिने आहेत. ती जाहिरातींच्या माध्यमातूनही उत्पन्न मिळवते. तिच्या मालकीचे मुंबईत एक आलिशान घर आहे, ज्याची किंमत 1.68 कोटी रुपये असल्याचे सांगितले जाते. तसेच तिच्याकडे मर्सिडीज-बेन्झसह अनेक आलिशान गाड्यांचा संग्रह आहे.
उर्मिला मातोंडकर आणि तिचा पूर्व पती मोहसिन अख्तर मीर या दोघांची फॅशन डिझायनर मनीष मल्होत्रा याने आयोजित केलेल्या एका पार्टीत भेट झाली होती. त्यांच्या नात्याची सुरुवात घनिष्ठ मैत्रीतून झाली आणि कालांतराने त्याचे रूपांतर प्रेमात झालं आणि त्यांनी लग्न केलं. मात्र, आठ वर्षांनंतर त्यांच्या वैवाहिक आयुष्यात काही अडचणी निर्माण झाल्या आणि त्यांनी 2024 साली घटस्फोट घेतला. त्यांच्या विभक्त होण्यामागचं नेमकं कारण समोर आलेलं नाही.
Leave a Reply