गेल्या काही दिवसांपासून सोने-चांदीच्या दरात सातत्याने वाढच होताना दिसून येत आहे. मध्य पूर्वेत युद्धामुळे मोठा तणाव पहायला मिळत आहे. या युद्धाचा परिणाम थेट सोन्या-चांदीच्या दरावर झाला आहे.
युद्धामुळे अनेक देशांनी सोन्याचा साठा वाढवण्यास सुरुवात केली आहे. जागतिक मार्केटमध्ये सोन्याला मागणी वाढल्यामुळे त्याचा फटका हा स्थानिक पातळीवर देखील मोठ्या प्रमाणात बसत असल्याचं दिसून येत आहे.
गेल्या काही दिवसांपासून सोने -आणि चांदीच्या दरात सातत्याने वाढच होत आहे. यामुळे सोन्याची खरेदी आता सर्वसामान्यांच्या आवाक्याबाहेर गेल्याचं पहायला मिळत आहे.
मात्र आता दिलसादायक बातमी समोर आली आहे, ती म्हणजे ऐन अक्षय तृतीयेपूर्वी सोने-चांदीचे दर स्वस्त झाले आहेत. त्यामुळे ग्राहकांना मोठा दिलासा मिळण्याची शक्यता आहे.
अक्षय तृतीयेला सोन्याला मोठी मागणी असते, अनेक लोक सोन्याची खरेदी करतात, त्यामुळे या काळात सोन्याच्या दरात मोठी वाढ होत असते, मात्र यावेळी उलट परिस्थिती आहे. अक्षय तृतीयेला सोन्याचे दर कमी झाले आहेत.
जळगावच्या सराफा बाजारात सोन्या आणि चांदीच्या दरात मोठी घसरण झाली आहे. सोन्याच्या दरात प्रती तोळा 1 हजार 600 रुपयांची तर चांदीच्या दरात प्रति किलो 3 हजार रुपयांची घसरण झाली आहे.
सोन्याचे दर जीएसटीसह प्रति तोळा 1 लाख 56 हजार 251 रुपये तर चांदीचे दर प्रति किलो 2 लाख 60 हजार 590 रुपयांवर पोहचले असून, ग्राहकांना मोठा दिलासा मिळाला आहे.
Leave a Reply