महाराष्ट्र टीईटी परीक्षा 28 जून 2026 रोजी विविध परीक्षा केंद्रांवर होणार होती. मात्र, परीक्षेच्या केवळ एक दिवस आधी महाराष्ट्र टीईटी पेपरफुटी झाल्याचे वृत्त आता समोर येत आहे. विविध माध्यमांच्या वृत्तानुसार, परीक्षेच्या अवघ्या 24 तास आधी ठाण्यात पेपरफुटी झाली. या पेपरफुटीनंतर शिक्षण विभागाने आता शिक्षक पात्रता परीक्षा रद्द केली आहे. महाराष्ट्र टीईटी पेपरफुटीची तक्रार पोलिसांकडे करण्यात आली होती. ठाण्यात एका कारवाईनंतर पोलिसांनी पेपर जप्त केला. या प्रकरणी अनेक व्यक्तींना ताब्यातही घेण्यात आले आहे. भिवंडी पोलिसांनी दिलेल्या माहितीनुसार, तीन लोक TET चा पेपर विकायला गेले होते. आता या प्रकरणावर एक मोठी अपडेट समोर आली आहे. तिघांकडे 4 सेट पेपर आढळले तर यानंतर शिक्षण विभागाने ते पेपर तपासले. यानंतर ते पेपर होणाऱ्या परिक्षेच्या समान आढळले. यात विशेष तपास पथकाची नेमणुक केली गेली आहे.
पुढील तपासासाठी पथक रवाना झाले आहे. 1 डिसीपी, 2 एसीपी, 9 पीआए पिएसआय आणि 20 कर्मचारी यांचे मिळुन पथक तयार करण्यात आले आहे. हे पथक अधिक तपासासाठी विविध राज्यात रवाना झाले आहे. तर पोलिसांनी पुढे आणखी माहिती देत म्हणाले की, ” या प्रकरणातील मुख्य आरोपी फरार आहे. त्याचा शेध सुरु आहे. 2 बिहारी आणी 1 हरियाणाचा आहे अशी माहिती दिल्लीतून समोर आली आहे.” पेपर विकताना आरोपींनी दीड करोड रुपयांची मागणी केली होती. त्यानंतर ते बाकी लोकांना विकणार होते. सर्व शक्यतांना अनुसरुन तपास सुरू आहे. पेपर त्यांनी दिल्लीवरुन आणले असल्याची माहिती मिळाली. आरोपींनी पेपर कोणाला विकले याचे चौकशी सुरु आहे.
कोणत्या चार राज्यांत पथके रवाना?
आता या प्रकरणावर एक अपडेट समोर आले आहे ते म्हणजे महाराष्ट्र टीईटी पेपरफुटी प्रकरणाचा तपास आता राज्याबाहेर, दिल्ली, बिहार, हरियाणा आणि उत्तर प्रदेशात पोलिसांची पथके रवाना झाली आहेत. भिवंडीतील तिघा आरोपींना न्यायालयाने 1 जुलैपर्यंत पोलीस कोठडी सुनावली आहे. पेपरफुटीमागे आंतरराज्य रॅकेटचा संशय, मुख्य सूत्रधार आणि इतर आरोपींचा शोध सुरू आहे. जप्त मोबाईल, डिजिटल पुरावे आणि बनावट ओळखपत्रांच्या आधारे तपासाची व्याप्ती वाढवली. प्रकरणाच्या चौकशीसाठी एसआयटी स्थापन, पेपरफुटीतील संपूर्ण साखळी उघड करण्याचे प्रयत्न सुरू आहे.
Leave a Reply