Team India: भारतीय क्रिकेट संघ आयर्लंड आणि इंग्लंडच्या दौऱ्यावर जात आहे. BCCI शनिवारी, 6 जून रोजी टीम इंडियाची घोषणा करण्याची शक्यता आहे. ईएसपीएनक्रिकइन्फोनुसार, स्क्वॉड्च्या घोषणेसह टीम इंडिया नवीन कर्णधार ही जाहीर करेल. माहितीनुसार निवडकर्ते सध्याच्या टी20 संघाचा कर्णधार सूर्यकुमार यादव याला संधी देण्याची शक्यता कमी आहे. यादवच्या नेतृत्वात भारताने 2026 मधील टी20 विश्वकप जिंकला होता. त्याच्या जागी आता श्रेयस अय्यर याला नवीन कर्णधार म्हणून संधी मिळू शकते. तर त्याच्यासोबतच उपकर्णधारही बदलण्याची शक्यता आहे. अक्षर पटेल हा टीम इंडियाचा उपकर्णधार असू शकतो. याशिवाय वैभव सूर्यवंशी याचे नशीबही चमकू शकते. आयपीएल 2026 मध्ये त्याने जबरदस्त कामगिरी केल्याने सीनियर टीममध्ये त्याची पहिल्यांदाच वर्णी लागण्याची शक्यता आहे.
श्रेयस अय्यरला मोठी संधी
धमाकेदार खेळाडू श्रेयस अय्यर याला भारताच्या टी20I कर्णधार म्हणून सूर्यकुमार यादव यांची जागा घेतील. तर वैभव सूर्यवंशी याला पहिल्यांदाच संघात स्थान मिळणार आहे. राष्ट्रीय निवडकर्ते 2028 मध्ये लॉस एन्जिल्स ऑलम्पिक आणि ऑस्ट्रेलियासोबतच न्यूझीलँडमध्ये होणाऱ्या टी20 विश्वकपसाठी सुद्धा तयारी करत आहेत. आयर्लंड आणि इंग्लंड दौऱ्यासाठी T20I टीमची गोषणा शनिवारी होण्याची दाट शक्यता आहे. मार्च महिन्यात सूर्यकुमार यादव याच्या नेतृत्वात T20 विश्वकप जिंकल्यानंतर भारत आता T20I खेळणार आहे.
सूर्यकुमार यादव याचे केवळ कर्णधारपदच जाणार नाही, तर त्याला या संघातही स्थान मिळण्याची आशा धूसर झाली आहे. त्याच्यावरून 2026 T20 विश्वकपनंतरच वाद सुरू झाला होता. त्याने या विश्वकपमध्ये 136.72 या स्ट्राईक रेटने 242 धावा काढल्या होत्या. तर IPL 2026 मध्ये त्याला कामगिरी सुधारता आली नाही. 13 सामन्यात त्याने 20.76 च्या सरासरीने 147.54 च्या स्ट्राईक रेटने केवळ 207 धावा काढल्या.
तर वैभव सूर्यवंशी याला सचिन तेंडुलकर यांच्यानंतर कमी वयाचा खेळाडू म्हणून पहिल्यांदाच संधी मिळू शकते. त्याने आयपीएल 2026 च्या हंगामात 237.30 च्या स्ट्राईक रेटने या दमदार खेळाडूने 776 धावा काढल्या. आयर्लंड आणि इंग्लंड च्या T20I दौऱ्यापूर्वी सूर्यवंशी हा 9 ते 21 जूनपर्यंत श्रीलंकेमध्ये इंडिया A साठी एक मालिकेत खेळेल. यामध्ये अफगाणिस्तानचा संघ सुद्धा सहभागी आहे.
Leave a Reply