दिल्लीतील विद्यार्थी आंदोलन आणि NEET पेपरफुटी प्रकरणाच्या पार्श्वभूमीवर सुरू असलेल्या आंदोलनाला विविध क्षेत्रांतून पाठिंबा मिळत आहे. याच दरम्यान अभिनेता सुव्रत जोशी यांनीही सोशल मीडियावर पोस्ट करत आंदोलन करणाऱ्या विद्यार्थ्यांना समर्थन दर्शवले आहे.
सुव्रत जोशी यांनी आपल्या सोशल मीडिया पोस्टमध्ये, “शिक्षक भूमिका करायला आणि घ्यायलाही शिकवत होते,” असे म्हणत सध्याच्या घडामोडींवर सूचक भाष्य केले आहे. त्यांच्या या पोस्टची सोशल मीडियावर मोठी चर्चा होत आहे.
यासोबतच त्यांनी, “मी फक्त आणि फक्त भारताच्या बाजूने… तुम्ही? जय संविधान… जय भारत!” असा संदेशही पोस्ट केला आहे. त्यांच्या या भूमिकेकडे अनेकांचे लक्ष वेधले गेले असून, विद्यार्थ्यांच्या आंदोलनाबाबत त्यांनी स्पष्टपणे आपली भूमिका मांडल्याची चर्चा रंगली आहे.
दरम्यान, विद्यार्थी आंदोलनाच्या पार्श्वभूमीवर विविध कलाकार, सामाजिक कार्यकर्ते आणि राजकीय नेते आपापल्या प्रतिक्रिया व्यक्त करत आहेत. अशातच सुव्रत जोशी यांच्या या पोस्टने सोशल मीडियावर नव्या चर्चेला सुरुवात झाली आहे.
Leave a Reply