पिंपरी चिंचवडमधून धक्कादायक बातमी समोर आली आहे, जिथे पुन्हा एकदा हुंडाबळीची घटना घडली आहे. वाकड येथील उच्चभ्रू कुटुंबातील विवाहिता शिल्पा गवारे हिने आपले आयुष्य संपवले. मात्र, तिच्या कुटुंबीयांनी ही आत्महत्या नसून हत्या असल्याचा गंभीर आरोप केला आहे.
मिळालेल्या माहितीनुसार, शिल्पाला माहेरच्या संपत्तीत हिस्सा मागण्यासाठी शारीरिक छळ केला जात होता. तिच्या पतीने लग्नापूर्वीही हत्येचा गुन्हा दाखल होता, अशी माहिती समोर आली आहे. या प्रकरणी शिल्पाचा पती सचिन गवारे, सासू, सासरे आणि दीर यांना ३१ ऑगस्टपर्यंत पोलीस कोठडी सुनावण्यात आली आहे.
शिल्पाच्या कुटुंबीयांनी सांगितले की, तिचा सातत्याने छळ होत होता आणि पैसे व मालमत्तेच्या वाट्यासाठी तिला मारहाण केली जात होती. सासू-सासरे देखील मुलाला प्रोत्साहन देत होते, असा आरोप कुटुंबीयांनी केला आहे. शिल्पाने पैसे आणण्यास नकार दिल्याने तिचा छळ वाढला. कुटुंबीयांनी आरोपींना कठोर शिक्षा देऊन न्याय मिळावा अशी मागणी केली आहे.
Leave a Reply