रायगड जिल्ह्यातील महाड-विन्हेरे महामार्गावर दोन एसटी बसची समोरासमोर धडक झाल्याची घटना घडली आहे. कुरळे देविका वाडीजवळ हा अपघात झाला.
मिळालेल्या माहितीनुसार, रस्त्यावरील वळणाचा अंदाज न आल्याने दोन्ही एसटी बस एकमेकांवर आदळल्या. या धडकेत बसचे नुकसान झाले असून, काही प्रवासी किरकोळ जखमी झाले आहेत.
सुदैवाने या अपघातात कोणतीही जीवितहानी झालेली नाही. जखमी प्रवाशांवर प्राथमिक उपचार करण्यात आल्याची माहिती आहे.
या घटनेनंतर परिसरात काही काळ वाहतुकीवर परिणाम झाला. अपघात नेमका कसा घडला, याबाबत पुढील माहिती घेतली जात आहे.
Leave a Reply