SRH vs RCB Live Updates, IPL 2026: हैदराबादसाठी निर्णायक सामना, आरसीबी विरुद्ध जिंकून टॉप 2 मध्ये राहण्याचं आव्हान

आयपीएल 2026 स्पर्धेत प्लेऑफसाठी 3 संघ निश्चित झाले आहेत. तर चौथ्या स्थानासाठी 4 संघात चुरस आहे. रॉयल चॅलेंजर्स बंगळुरु, गुजरात टायटन्स आणि सनरायझर्स हैदराबाद 3 संघांनी प्लेऑफचं तिकीट मिळवलंय. मात्र त्यानंतरही सनरायझर्स हैदराबादसाठी 22 मे रोजीचा रॉयल चॅलेंजर्स विरुद्धचा सामना अतिशय महत्त्वाचा आहे. आरसीबी आणि गुजरात पॉइंट्स टेबलमध्ये पहिल्या आणि दुसऱ्या स्थानी विराजमान आहेत. तर सनरायझर्स हैदराबाद तिसऱ्या स्थानी आहे. त्यामुळे हैदराबादला पॉइंट्स टेबलमधील टॉप 2 मध्ये पोहचण्यासाठी आरसीबी विरुद्ध मोठ्या फरकाने जिंकावं लागणार आहे. टॉप 2 मध्ये राहिल्यास अंतिम फेरीत पोहचण्याची 1 संधी जास्त मिळते. त्यामुळे हैदराबादचा टॉप 2 मध्ये पोहचण्याचा प्रयत्न असणार आहे. त्यामुळे हैदराबाद-बंगळुरु सामन्यातील प्रत्येक अपडेट आपण लाईव्ह ब्लॉगद्वारे जाणून घेणार आहोत.