चीनमध्ये सुरू असलेल्या शूटिंग वर्ल्ड कप स्पर्धेतील महिलांच्या 25 मीटर पिस्टल इव्हेंटमध्ये भारतीय नेमबाजांनी कमाल केली. भारताने या प्रकारात एक नाही दोन पदकं मिळवली. भारताने या प्रकारात सुवर्ण आणि कांस्य पदकाची कमाई केली आहे. (Photo: X)
ईशा सिंहने 25 मीटर पिस्टल इव्हेंटमधील अंतिम फेरीत 50 पैकी 40 गुण मिळवून गोल्ड मेडल मिळवलं. चीनची स्पर्धक यूयू झांगने 37 गुणांची कमाई करून रजत पदक नावावर केलं. तर ऑलिम्पिक मेडलिस्ट मनु भाकरने कांस्य पदकावर निशाणा साधला. (Photo: X)
मनु भाकरने पाचव्या स्थानावर राहात अंतिम फेरीत पात्रता मिळवली होती. तिने 586 गुण केलं होता. तर ईशा 585 गुणांसह पात्रता फेरीत सातव्या क्रमांकावर होती. (Photo: X)
ईशा सिंह मागच्या दोन वर्षांपासून सातत्यपूर्ण चांगली कामगिरी करत आहे. या वर्षाच्या सुरूवातील तिने 25 मीटर पिस्टल इव्हेंटमध्ये वर्ल्ड रेकॉर्ड नोंदवला होता. आता गोल्ड मेडल मिळवलं आहे. ईशी सिंहच्या या यशानंतर ऑलिम्पिक 2028 मध्ये तिच्याकडून अपेक्षा आहेत. (Photo: X)
चीनच्या हांगझाऊमध्ये सुरू असलेल्या आयएसएसएफ वर्ल्डकप स्पर्धेच्या पदक तालिकेत भारतीय संघ दुसऱ्या स्थानावर आहे. भारताच्या नावावर 6 गोल्ड मेडल आहेत. या यादीत दुसऱ्या क्रमांकावर पोहोचवण्यात ईशाचं मोलाचं योगदान आहे. भारताच्या 14 मेडलपैकी चार मेडल तिने मिळवले आहेत. यात एक गोल्ड, दोन रजन आणि 1 कांस्य पदकाचा समावेश आहे. (Photo: X)
Leave a Reply