R. Madhavan : अभिनेता आर. माधवन याला आज कोणत्याच ओळखीची गरज नाही, अनेक सिनेमांमध्ये दमदार भूमिका साकारत अभिनेत्याने चाहत्यांचं मनोरंजन केलं. पण आता माधवन त्यांच्या सिनेमांमुळे नाही तर, मुलाच्या करियरमुळे चर्चेत आला आहे. मुलाच्या करियरसाठी अभिनेत्याने भारत सोडून दुबईत राहण्याचा निर्णय घेतला. यामागचं कारण आहे, अभिनेत्याच्या मुलाचं स्विमिंग ट्रेनिंग… मुलाला स्विमिंग क्षेत्रात चांगल्या संधी मिळाव्यात याच कारणासाठी अभिनेत्याने दुबईत जाण्याचा निर्णय घेतला. माधवन यांच्या मुलाचं नाव वेदांत असं आहे. आशियाई क्रीडा स्पर्धांच्या पार्श्वभूमीवर वेदांत अहमदाबादमध्ये भारतीय संघासोबत सराव करायचा. त्यानंतर, मुलाच्या कारकिर्दीतील या निर्णायक टप्प्यावर दुबईत पाऊल ठेवलं नसतं तर, मुलाचा प्रवास आज कदाचित थोडा वेगळा असता… असं मत देखील अभिनेत्याने व्यक्त केलं.
एका मुलाखतीत मुलाच्या करियरबद्दल बोलताना माधवन म्हणाला, ‘वेंदात याच्यासोबत भारतात अनेक असं स्विमर्स आहेत, जे खूप उत्तम आहे. पण ते माझी मुलं नाहीत, त्यामुळे त्यांना प्रसिद्धी मिळत नाही. मी कुठेही गेलो तरी मला वेदांत याच्याबद्दल विचारलं जातं… कारण तो माझा मुलगा आहे… मी माझ्या मुलाला फक्त एक गोष्ट सांगितली आहे, स्टारडम खूप भयानक गोष्ट आहे.. माझ्या मित्रा… तुला हे फार कमी वयात मिळाली. हे स्टारडम संभाळून ठेवायला शिक… हे येत – जात राहतं आणि यामुळे मानसिक शांती प्रभावित होते.’
पुढे अभिनेता म्हणाली, ‘मुलांच्या आयुष्यातील महत्त्वाचा टप्पा त्यांची सुरुवात असते… किशोरवयीन काळ हा एक अत्यंत महत्त्वाचा टप्पा असतो, जेव्हा आंतरराष्ट्रीय दर्जा गाठण्यासाठी तरुण स्विमर्सना सातत्यपूर्ण प्रशिक्षणाची गरज असते. एखाद्या मुलाचं आंतरराष्ट्रीय दर्जाचे खेळाडू बनण्यापर्यंतच्या प्रवासात वेगाने होणाऱ्या शारीरिक वाढीचा एक काळ असतो.’
‘किशोरवयात म्हणजेच 10 ते 17 वयोगटात एखाद्या मुलाची उंची एका महिन्यातच तीन इंचांनी वाढल्याचं तुम्हाला अचानक दिसून येऊ शकतं. यालाच ‘ग्रोथ स्पर्ट’ असे म्हणतात. जर त्यांनी या काळात कठोर प्रशिक्षण घेतलं नाही, तर त्यांची शरीरयष्टी आंतरराष्ट्रीय स्तरासाठी कधीच तयार होणार नाही.’ असं देखील अभिनेता म्हणाला.
दुबईत जाण्याचा का घेतला निर्णय…
2020 मध्ये कोरोना या विषाणूने जगात हाहाकार माजवलेला. तेव्हा वेदांत फक्त 14 वर्षांचा होता आणि स्विमिंगसोबतच सर्वकाही ठप्प झालेलं. अशात माधवन याने गोव्यातील खाजगी प्रायव्हेट पूल आणि प्रशिक्षण सुविधांसारख्या पर्यायांचा विचार केला. अभिनेत्याने स्पष्ट केलं की, भारतीय राष्ट्रीय संघ दुबईमध्ये सराव करत असल्यानं, वेदांतचं पुढील दोन वर्षांचं प्रशिक्षण सुरू राहावं या उद्देशाने अभिनेत्याने दुबईत राहण्याचा निर्णय घेतला.
Leave a Reply