अनु मीणा प्रकरणात एक नवीन बाजू समोर आली आहे. अनुचे पती गौतम मीणा PWD विभागात इंजिनिअर पदावर आहेत. दीड महिन्यापूर्वीच हे प्रकरण आहे. गौतम मीणा यांची पत्नी अनु मीणा यांनी आपलं जीवन संपवलं. अनुच्या भावाने आपल्या भावोजींवर गंभीर आरोप केला आहे. गौतम मीणा यांचे त्यांच्या घरात काम करणाऱ्या मोलकरणीसोबत अनैतिक संबंध होते. अनु म्हणजे गौतम यांच्या पत्नीने दोघांना नको त्या अवस्थेत पकडलं होतं. गौतम अनुला आधीपासूनच मारहाण करायचे. पण पतीला मोलकरणीसोबत रंगेहात पकडल्यानंतर मारहाणीचं हे प्रमाण अजून वाढलं. पतीचे हे असे धंदे आणि वारंवार होणारा अपमान याला कंटाळून अनुने स्वत:च जीवन संपवून घेतलं.राजस्थानची राजधानी जयपूरमधील 7 एप्रिल 2026 चे हे प्रकरण आहे.
मृत अनुचा भाऊ नीरज मीणाने मुहाना पोलीस ठाण्यात तक्रार नोंदवली आहे. पतीला मोलकरणीसोबत नको त्या अवस्थेत पकडलं हे अनुच्या मृत्यूचं मुख्य कारण आहे असा मृताच्या नातेवाईकाचा आरोप आहे. त्यानंतर मारहाणीच प्रमाण अजून वाढलं. मृत अनुचा भाऊ नीरज मीणाने पोलिसांना दिलेल्या रिपोर्टमध्ये हा धक्कादायक खुलासा केला आहे. ऑक्टोंबर 2025 मध्ये दीवाळीला गौतम मीणा आपल्या कुटुंबासोबत गावी गेला होता. तिथे त्याने घराच्या साफसफाईच्या बहाण्याने मोलकरणीला बोलावलं. तिथे मोलकरणी सोबत अनैतिक संबंध ठेवताना अनुने दोघांना पकडलं होतं. आपलं कृत्य उघड झाल्यानंतर चवातळलेल्या गौतमने अनुला निदर्यतेने मारहाण केली होती. त्यावेळी कसातरी स्वत:चा जीव वाचवून अनू शेजारी राहणाऱ्या नातेवाईकाच्या घरी पळाली होती. आपल्या माहेरी फोन लावून तिने सर्व सांगितलं होतं. यानंतर गौतमची क्रूरता अजून वाढली.
त्याचा एक्सेस तिच्या मोबाइलमध्ये होता
भावाच्या सांगण्यावरुन अनुने स्वत:च्या घरात सीसीटीव्ही सुद्धा बसवले होते. त्याचा एक्सेस तिच्या मोबाइलमध्ये होता. सीसीटीव्हीमुळे गौतम मीणा मारहाण करणार नाही असं अनुचं मत होतं. पण त्यातूनही बचावाचा रस्ता शोधून गौतम मीणा अनुला मारहाण करायचा. या सगळ्याचा खुलासा मुलांनी आईच्या मृत्यूनंतर केला. नवरा-बायकोमधील सततच्या भांडणामुळे अनुने हे पाऊल उचललं असं तिच्या कुटुंबियांचं म्हणणं आहे. अनुच्या मुलाने मामा नीरजला अनुचा मोबाइल चेक करायला सांगितलं. त्यावेळी ते सीसीटीव्ही फुटेज पाहून सगळेच हैराण आहेत. त्यानंतर FIR नोंदवला.
Leave a Reply