Petrol Diesel Price: अमेरिकेचे राष्ट्राध्यक्ष डोनाल्ड ट्रम्प यांनी इराण युद्धा दरम्यान मंगळवारी 8 सप्टेंबर रोजी एक मोठी घोषणा केली आहे. त्यांनी कच्चे तेल स्वस्त करण्याचे आश्वासन दिले आहे. त्यांच्या या दाव्यामुळे येत्या काळात पेट्रोल आणि डिझेलच्या किंमतीत स्वस्ताई येण्याची शक्यता आहे. पण ट्रम्प यांच्यावर किती विश्वास ठेवायचा असा सवाल अनेकांना पडला आहे. मंगळवारी होलसेल गॅसोलीनचा भाव 3.22 प्रति गॅलन डॉलर इतका होता. तर होलसेल हिटिंग ऑईल प्राईस 4.67 प्रति गॅलन डॉलर इतका आहे.
पण घातली ती अजब अट
ट्रम्प यांनी घोषणा केली आहे की, जेव्हा आम्ही इराण सोबतचे युद्ध जिंकू तेव्हा तेलाच्या किंमती झपाट्याने खाली येतील. त्यानंतर इतर वस्तूंच्या किंमतीत घसरण होईल. ट्रम्प यांच्या दाव्यानुसार या किंमती 3 डॉलर प्रति गॅलन होतील आणि अखेरीस त्या 2 डॉलर प्रति गॅलनपेक्षा खाली उतरतील. त्यांनी हे स्वप्न कधी पूर्ण होणार याची निश्चित तारीख सांगितली नाही, पण लवकरच या गोष्टी घडतील आणि इराणकडे अणुवस्त्रे नसतील, असा दावा त्यांनी केला.
होर्मुज समुद्रधुनीवर अमेरिकाचा ताबा
ट्रम्प यांनी अजून एक मोठा दावा केला आहे, त्यानुसार, जर कच्चा तेलाच्या किंमती या 2 डॉलरपर्यंत घसरल्या म्हणजे 50 टक्के कमी झाल्या तर पेट्रोल आणि डिझेलच्या किंमती अर्ध्यावर येतील. ट्रम्प यांनी होर्मुज समुद्रधुनीवर ताबा मिळवल्याचा पुन्हा एकदा दावा केला आहे. त्यांनी होर्मुजचे नाव ट्रम्प स्ट्रेट करण्याचा प्रस्तावही दिला आहे. आता ट्रम्प यांचा दावा किती खरा ठरतो, याकडे जगाचे लक्ष लागले आहे.
अमेरिकन लष्कराचा दावा काय?
अमेरिकन सेंट्रल कमांडच्या (CENTCOM) दाव्यानुसार, इराणवर बंदी घातल्यापासून 94 व्यावसायिक जहाजांनी त्यांचा रस्ता बदलवला आहे. सोमवारी अमेरिकन लष्कराने ही माहिती दिली. अमेरिकेची बंदी लागू झाल्यापासून या व्यावसायिक जहाजांनी समुद्री मार्ग बदलल्याचे समोर आले आहे. त्यातील दोन जहाजांना ताब्यात घेण्यात आल्याची माहिती देण्यात आली आहे. CENTCOM ने एक्सवर एक पोस्ट लिहिली आहे. त्यानुसार, अमेरिकेच्या राष्ट्राध्यक्षांच्या आदेशाचे ते पालन करत आहेत.
Leave a Reply