Petrol Diesel New Rule : आखातातील युद्धामुळे जगभरात इंधनाचा मोठा तुटवडा निर्माण झाला होता. इराण आणि अमेरिका यांच्यात युद्ध पेटल्याने भारतात येणाऱ्या कच्च्या तेलाचा पुरवठा कमी झाला होता. तसेच नैसर्गिक वायू आणि इतरही इंधनाची आयात थांबली होती. त्यामुळेच देशात इंधन तुटवड्यामुळे लोकांचे हाल होऊ नयेत म्हणून सरकारने अनेक प्रतिबंधक नियम लागू केले होते. या नियमांमुळे सामान्यांचे हाल झाले परंतु आता परिस्थिती हळूहळू पूर्वपदावर येत आहे. असे असतानाच आता सरकारने पेट्रोल, डिझेलच्या वितरणाबाबत सर्वात मोठा निर्णय घेतला आहे. हा निर्णय आता येत्या 1 जुलैपासून देशभरात लागू होणार आहे.
पेट्रोल, डिझेलच्या खरेदीवरील मर्यादा हटवली
मिळालेल्या माहितीनुसार सरकारने पेट्रोल आणि डिझेलच्या खरेदीबाबत एक मोठा बदल लागू केला आहे. केंद्र सरकारने मोठ्या व्यावसायिक खरेदीदारांना लागू केलेले इंधन खरेदीचे नियम आता हटवण्यात आले आहेत. याआधी व्यवासायासाठी पेट्रोल, डिझेलची खऱेदी करणाऱ्यांना पेट्रोल पंपावर इंधन खरेदी करण्यास तात्पुरते नियम लागू केले होते. या नियमाअंतर्गत एका निश्चित मर्यादेच्या पलिकडे व्यावसायिकांना पेट्रोल, डिझेल खरेदी करता येत नव्हते. आता मात्र व्यावसायिकांना पेट्रोल पंपावरून कोणत्याही मर्यादेशिवाय पेट्रोल आणि डिझेल खरेदी करता येणार आहे.
सरकारने निर्बंध का लागू केले होते?
मध्य-पूर्वेत युद्धामुळे निर्माण झालेली तणावाची स्थिती हळूहळू निवळत आहे. त्यामुळेच जागतिक पातळीवर इंधन पुरवठा साखळी पूर्वपदावर येत आहे. म्हणूनच भारत सरकारने हा निर्णय घेतल्याचे बोलले जात आहे. युद्धाच्या काळात सामान्यांना इंधनाचा तुटवडा जाणवू नये. तसेच लोकांची अडचण होऊ नये म्हणून व्यावसायिक कामासाठी पेट्रोल, डिझेलच्या खरेदीवर मर्यादा घालण्यात आल्या होत्या.
सरकारच्या निर्णयाचे स्वागत
भारतात देशातील 90 टक्के पेट्रोल पंप हे इंडियन ऑइल (IOC), भारत पेट्रोलियम (BPCL) , हिंदुस्तान पेट्रोलियम (HPCL) या पेट्रोलियम कंपन्यांच्या मालकीचे आहेत. या कंपन्यांकडून साधारण एक लाख पेट्रोल पंप चालवले जातात. १,००,००० हून अधिक पंप चालवतात. युद्धाच्या काळात या कंपन्यांच्या पेट्रोल पंपावर डिझेलच्या मागणीत अचानक वाढ झाली होती. त्यामुळे पुरवठा साखळीवर मोठा ताण आला होता. दरम्यान आता सरकारने व्यावसायिक कामासाठी पेट्रोल, डिझेलच्या खरेदीवरील निर्बंध हटवल्याने आनंद व्यक्त केला जात आहे. सरकारच्या या निर्णयाचे स्वागत केले जात आहे.
Leave a Reply