अनेकजण ओयो तसेच इतर हॉटोलमध्ये जातात. परंतु काही हॉटेलमालक वेगवेगळ्या कारणांमुळे हॉटेलमध्ये रुम देण्यास नकार देतात. त्यामुळे तुम्हाला हॉटेलविषयक काही नियम माहिती असणे गरजेचे आहे. हे नियम माहिती असतील तर तुम्हाला कोणीच रोखू शकणार नाही.
भारतातील कायद्यानुसार दोन सज्ञान व्यक्तींना एकत्र हॉटेलमध्ये राहण्यास बंदी नाही. मुलाचे वय 21 वर्षे आणि मुलीचे वय 18 वर्षे किंवा त्यापेक्षा अधिक असल्यास ते स्वतःच्या इच्छेने राहू शकतात. अविवाहित जोडप्यांना हॉटेल किंवा OYO रूम बुक करण्यास कायदेशीर अडथळा नसतो.
हॉटेलमध्ये चेक-इन करताना वैध ओळखपत्र दाखवणे अनिवार्य असते. अनेक OYO आणि हॉटेल्स स्थानिक (Local ID) स्वीकारतात, मात्र प्रत्येक हॉटेलची पॉलिसी वेगळी असू शकते. पोलिस विनाकारण कारवाई तुमच्यावर करू शकत नाहीत.
दोघेही सज्ञान असून परस्पर संमतीने हॉटेलमध्ये राहत असतील तर तो गुन्हा ठरत नाही. अशा परिस्थितीत पोलिस विनाकारण अटक किंवा छळ करू शकत नाहीत. केवळ बेकायदेशीर कृत्याचा संशय असल्यासच चौकशी करण्याचा अधिकार पोलिसांना असतो.
सज्ञान व्यक्तींना त्यांच्या खासगी आयुष्याचा आणि वैयक्तिक निर्णयांचा अधिकार असतो. कोणालाही केवळ अविवाहित असल्यामुळे त्रास देणे कायदेशीरदृष्ट्या अयोग्य असते. दरम्यान, प्रत्येक हॉटेलचे नियम आणि अटी वेगळ्या असू शकतात, त्यामुळे आधी माहिती घेणे गरजेचे असते.
Leave a Reply