Nana Patekar : दिग्गज अभिनेते नाना पाटेकर यांनी अनेक अभिनेत्रींसोबत स्क्रिन शेअर केली आहे. पण एका अभिनेत्रीने तर थेट नाना पाटेकरांच्या कानशिलात लगावली होती. ज्या अभिनेत्रीने नाना पाटेकरांच्या कानशिलात लगावली होती, त्या अभिनेत्रीचं नाव मधू शाह. मधू यांना देखील आज कोणत्या ओळखीची गरज नाही. अनेक दिग्गज कलाकारांसोबत त्यांनी स्क्रिन शेअर केली आहे. सध्या मधू त्यांनी दिलेल्या एका मुलाखतीमुळे चर्चेत आहेत. त्यांनी अभिनेते नाना पाटेकर यांच्याद्दल मोठा किस्सा सांगितला आहे. मधू यांनी सांगितल्यानुसार, 1997 मध्ये त्यांनी नाना पाटेकर यांच्यासोबत ‘यशवंत’ सिनेमात काम केलं होतं. सिनेमातील एका सीन दरम्यान, नाना पाटेकर यांनी मधू यांच्या कनशिलात लगावली होती, त्यानंतर संतापलेल्या मधू यांनी देखील नाना पाटेकर यांच्या कानशिलात लगावली होती.
मुलाखतीत मधू यांनी जुन्या दिवसांच्या आठवणी ताज्या केल्या. मधू म्हणाल्या नाना पाटेकरांना सिनेमात कोणत्याच प्रकारचा देखावा आणि शॉर्टकट आवडत नाही, त्याच्या ते सक्त विरोधात आहेत. नाना पाटेकर कायम प्रामाणिक आणि वास्तविक अभिनयावर विश्वास ठेवतात. मधू म्हणाल्या, ‘यशवंत सिनेमात एक भावूक करणारा सीन होता. मी डोळ्या ग्लिसरीन टाकून रडण्याचा प्रयत्न करत होती. पण नानांनी मला पाहिलं आणि ओरडले, कोणीच ग्लिसरिनचा वापर करणार नाही. सीनचं महत्व अनुभवा… डोळ्यातून आपोआप निघेल… ‘ असं नाना पाटेकर म्हणालेले.
सीन दरम्यान मधू यांनी खरंच रडण्याचा प्रचंड प्रयत्न केला, पण डोळ्यातून एक पाण्याचा थेंब देखील निघत नव्हता. सीन वास्तववादी वाटावा म्हणून, नाना पाटेकर यांनी कोणतीही पूर्वसूचना न देता मधूच्या गालावर अचानक जोरात कानशिलात मारली.
पुढे मधू म्हणतात, “तालमीमध्ये असं काहीही ठरवलं नव्हतं. त्यांनी मला अचानक कानशिलात मारली आणि मला मोठा धक्का बसला. त्यावेळी मी खूप तापट स्वभावाची मुलगी होते. मला इतका राग आला की, माझ्या प्रतिक्रिया आपोआपच आल्या आणि दुसरा विचार न करता, मी लगेच नाना पाटेकर यांना जोरात कानशिलात लगावली.’
सीननंतर दिग्दर्शकाने तात्काळ केलं पॅकअप…
दिग्दर्शक अनिल मट्टू यांनी नवरा – बायकोच्या ह्या महत्त्वाच्या सीनच्या चित्रीकरणासाठी संपूर्ण दिवस दिला होता. पण दोन्ही कलाकारांमध्ये झालेल्या प्रत्यक्ष थप्पडबाजीनंतर कॅमेऱ्यात कैद झालेल्या त्या अस्सल, खऱ्या भावनांनी सेटवरील प्रत्येकाच्या अंगावर काटा आणला. मास्टर शॉटमध्ये दोघांच्याही चेहऱ्यावरचा खरा राग आणि अश्रू स्पष्टपणे दिसत होते. सीन संपताच नाना पाटेकर दिग्दर्शकाला म्हणाले, ‘आता यानंतर तू कोणता क्लोज-अप शॉट घेणार आहेस? जे हवं होतं, ते तर झालं…’, त्यानंतर दुपारीच सिनेमातं पॅकअप करण्यात आलं.
Leave a Reply