Motorola घेऊन येत आहे त्यांचा नवीन फोल्डेबल स्मार्टफोन, किंमत आणि दमदार फिचर्स झाले लीक

मोटोरोला कंपनी पुन्हा एकदा जागतिक बाजारपेठेत त्यांचा नवीन फोल्डेबल स्मार्टफोन आणण्याच्या तयारीत आहेत. कंपनीने त्यांच्या नवीन फोल्डेबल स्मार्टफोन Motorola Razr 2026 सिरीजची झलक दाखवली आहे. लाँच होण्यापूर्वी, त्याचे डिझाइन, वैशिष्ट्ये, किंमत आणि लाँचच्या तारखेबद्दल अनेक महत्त्वाचे तपशील समोर आले आहेत. नवीन रेझर सिरीज प्रीमियम डिझाइन, दमदार प्रोसेसर आणि प्रभावी कॅमेरा सेटअपसह येण्याची अपेक्षा आहे. अहवालानुसार हा फोन भारतात Motorola Razr 70 या नावाने लाँच केला जाऊ शकतो. फोल्डेबल फोन आवडणाऱ्यांसाठी ही एक महत्त्वपूर्ण बातमी आहे.

नवीन फोनबद्दल एप्रिलमध्ये होईल एक मोठी घोषणा

मोटोरोलाने अधिकृतपणे आपल्या नवीन रेझर 2026 सिरीजचा टीझर सादर केला आहे. टीझर व्हिडिओनुसार कंपनी 29 एप्रिल रोजी या स्मार्टफोन्सबद्दल महत्त्वाची माहिती देणार आहे. अहवालानुसार, उत्तर अमेरिकेत 21 मे पासून या फोल्डेबल फोनची विक्री सुरू होऊ शकते. भारतासह इतर बाजारपेठांमध्ये हे फोन्स Motorola Razr 70 सिरीज म्हणून लाँच होण्याची शक्यता आहे. हे फोन्स ब्राउन, ग्रीन आणि पर्पल यांसारख्या आकर्षक रंगांमध्ये उपलब्ध होऊ शकतात. डिझाइनच्या बाबतीत त्यांचा प्रीमियम क्लॅमशेल लूक त्यांच्या आधीच्या मॉडेल्सप्रमाणेच कायम राहील.

डिस्प्ले आणि प्रोसेसर खूप उत्तम असतील

Motorola Razr 2026 आणि Razr Plus 2026 या दोन्हीमध्ये 6.9-इंचाचा AMOLED इनर डिस्प्ले असण्याची शक्यता आहे. बेस मॉडेलमध्ये 120Hz रिफ्रेश रेट असेल, तर रेझर प्लस 2026 मध्ये 165Hz रिफ्रेश रेट मिळू शकतो. तसेच या फोनच्या परफॉर्मन्ससाठी रेझर 2026 मध्ये मीडियाटेक डायमेन्सिटी 7450X प्रोसेसर असेल, तर रेझर प्लस 2026 मध्ये Snapdragon 8s Gen 3 चिपसेट असू शकतो. हे दोन्ही स्मार्टफोन्स मल्टीटास्किंग, गेमिंग आणि प्रीमियम युझर एक्सपीरियन्ससाठी उत्कृष्ट असतील.

कॅमेरा, बॅटरी आणि किंमतीचा संपूर्ण तपशील

दोन्ही फोल्डेबल स्मार्टफोन्समध्ये ड्युअल रियर कॅमेरा सेटअप असण्याची शक्यता आहे, ज्यामध्ये 50MP प्रायमरी सेन्सर आणि 50MP अल्ट्रा-वाइड कॅमेरा असेल. सेल्फीसाठी 32MP फ्रंट कॅमेरा अपेक्षित आहे.

तर Razr 2026 मध्ये 4,800mAh बॅटरी, 30W वायर्ड आणि 15W वायरलेस चार्जिंग असेल. Razr Plus 2026 मध्ये 4,500mAh बॅटरी, 45W वायर्ड आणि 15W वायरलेस चार्जिंग सपोर्ट असण्याची शक्यता आहे.

या फोन्सच्या बेस मॉडेलची किंमत 799.99 डॉलर म्हणजेच भारतीय चलनानुसार अंदाजे 74,400 रूपयांपासून सुरू होण्याची शक्यता आहे, तर Razr Plus 2026 ची किंमत 1,099.99 डॉलर अंदाजे 102,30‍0 किंमत असण्याची शक्यता आहे.

Source link