मेजर लीग क्रिकेट स्पर्धेच्या 23व्या सामन्यात एक नवीन विश्वविक्रम नोंदवला गेला आहे. हा विश्वविक्रम दक्षिण अफ्रिकेच्या लुहान ड्रे प्रिटोरियस याने नोंदवला आहे. कमी धावांचा पाठलाग करताना त्याने शतक ठोकलं. (PC: MLC)
डॅलस येथे झालेल्या या सामन्यात एमआय न्यूयॉर्क आणि सॅन फ्रान्सिस्को युनिकॉर्न्स आमनेसामने आले होते. नाणेफेक गमावून प्रथम फलंदाजी करण्याचा निर्णय घेतलेल्या एमआय न्यूयॉर्क संघाने 20 षटकांत 9 गडी गमावून 143 धावा केल्या. (PC: MLC)
एमआय न्यूयॉर्कने विजयासाठी ठेवलेलं 144 धावांचं लक्ष्य गाठताना सॅन फ्रान्सिस्को युनिकॉर्न्सच्या युवा सलामीवीर लुहान-ड्रे प्रिटोरियसने आक्रमक सुरूवात केली. पहिल्याच षटकापासून एमआय न्यूयॉर्कच्या गोलंदाजांवर हल्ला चढवला. प्रिटोरियसने 5 षटकार आणि 10 चौकारांसह 52 चेंडूंमध्ये आपले शतक पूर्ण केले. (PC: MLC)
20 वर्षीय लुहान-ड्रे प्रिटोरियस टी20 क्रिकेटच्या इतिहासात कमी धावसंख्येचा पाठलाग करताना शतक झळकावणारा पहिला फलंदाज ठरला आहे. यापूर्वी हा जागतिक विक्रम एडम गिलख्रिस्टच्या नावावर होता. (PC: MLC)
2008 च्या आयपीएल हंगामात डेक्कन चार्जर्सकडून खेळलेल्या अॅडम गिलक्रिस्टने, मुंबई इंडियन्सने दिलेल्या 155 धावांच्या लक्ष्याचा पाठलाग करताना अवघ्या 47 चेंडूंमध्ये नाबाद 109 धावा करून विश्वविक्रम प्रस्थापित केला होता. (PC: IPL)
लुहान-ड्रे प्रिटोरियसने फक्त 144 धावांचे लक्ष्य गाठताना शतक झळकावून एक नवीन इतिहास रचला आहे. प्रिटोरियसने रचलेल्या या इतिहासासह, सॅन फ्रान्सिस्को युनिकॉर्न्स संघाने 15.4 षटकांत 146 धावा केल्या आणि हा सामना 9 गडी राखून जिंकला. (PC: MLC)
Leave a Reply