Missing Link Traffic Update : पुणे, ठाणे, पालघर, कोकण, मुंबई या भागाला पावसाने झोडपून काढलं आहे. पश्चिम महाराष्ट्रातील काही जिल्ह्यांमध्येही तुफान पाऊस होत आहे. या पावसामुळे पश्चिम महाराष्ट्रातील अनेक नद्यांनी धोक्याची पातळी ओलांडली आहे. तर मुंबईत अनेक ठिकाणी झाड कोसळण्याच्या घटना घडल्या आहेत. मिसिंग लिंकवर दरड कोसळल्याने पुण्याहून मुंबईला येणाऱ्यांचे प्रचंड हाल होत आहेत. दरम्यान, आता याच मिसिंग लिंकबाबत मोठी माहिती समोर आली आहे. पुण्याहून मुंबईला येणारी वाहतूक लवकरच सुरू होण्याची शक्यता आहे.
मुंबई ते पुणे दरम्यानची वाहतूक
मिसिंग लिंकवरील मुंबई ते पुणे दरम्यानची वाहतूक सुरू झाली आहे. परंतु मिसिंग लिंकवरील पुण्याहून मुंबईच्या दिशेने येणारी वाहतूक अजूनही बंदच आहे. ढिगारा हटवण्याचं 80 टक्के काम पूर्ण झालं आहे. पुढील दोन तासांत मिसिंग लिंक पूर्णपणे सुरू होण्याची शक्यता वर्तवली जात आहे.
मिसिंग लिंकच्या टर्मिनल-2 टनलजवळ दरड कोसळली
पुणे आणि लोणावळा परिसरात 5 जुलैच्या रात्री तुफान पाऊस झाला होता. या पावसाचा फटका पुणे तसेच लोणावळा अशा दोन्ही भागांना बसला. काही दिवसांपूर्वीच सुरू झालेल्या मिसिंग लिंकलाही मोठा फटका सहन करावा लागला. मिसिंग लिंकवर दरड कोसळल्याने वाहतूक बंद झाली होती. मिसिंग लिंकच्या टर्मिनल-2 टनलजवळ दरड कोसळली होती. यामुळे मिसिंग लिंकची कमानही खाली कोसळली. ही घटना घडल्यानंतर रात्री सव्वा तीन वाजल्यापासून मिसिंग लिंक बंद ठेवण्यात आला होता.
80टक्के काम पूर्ण, लवकरच…
मिसिंग लिंकवर दरड कोसळल्याने वाहतूक बंद करण्यात आलेली आहे. त्यानंतर दगड, चिखल काढण्यासाठी प्रशासनाकडून युद्धपातळीवर काम सुरू आहे. कोसळलेली 80 टक्के दरड बाजूला काढण्यात यश आलेलं आहे. काही मलबा अजूनही तिथेच आहे. काही वेळेतच उर्वरित मलबा बाजूला काढला जाणार आहे. त्यानंतर पुण्याहून मुंबईला जाणारा मिसिंग लिंकचा मार्ग सुरू करण्यात येईल. गेल्या 15 तासांपासून पुण्याहून-मुंबईला जाणारा मिसिंग लिंकचा रस्ता बंद आहे. दुसरीकडे मिसिंग लिंकचा मुबंई ते पुणे हा मार्ग सुरू करण्यात आला आहे.
Leave a Reply