प्रसिद्ध दिग्दर्शक मांजरेकर यांची पत्नी मेधा मांजरेकरला कॅन्सर झाल्याचे समोर आले. मेधा यांनी सोशल मीडियावर पोस्ट शेअर करत त्यांच्या या कठीण प्रवासाबाबत सांगितले आहे. त्यानंतर अनेकांनी त्यांच्या पोस्टवर कमेंट करत काळजी व्यक्त केली. आता त्यांच्या मुली देखील भावुक झाल्याचे समोर आले आहे.
मेधा मांजरेकर यांचा आज वाढदिवस आहे. त्यानिमित्ताने त्यांच्या दोन्ही मुली सई मांजरेकर आणि गौरी इंगवले दोघीही भावूक झाल्या आहेत. त्यांनी आईसाठी खास पोस्ट शेअर केली आहे.
सई मांजरेकरने तिच्या अधिकृत इन्स्टाग्राम अकाऊंटच्या स्टोरीला एक रिल शेअर केले आहे. या रिलमध्ये तिने आईच्या सकारात्मकतेचे कौतुक केले आहे. तसेच तू खूप जास्त खंबीर आहेस आई असे म्हटले आहे.
“या सगळ्या गंभीर परिस्थिती माझ्या बेस्ट आईला वाढदिवसाच्या शुभेच्छा. नेहमी आमच्या आयुष्यात प्रकाश आणण्यासाठी तुझी खूप आभारी आहे” असे कॅप्शन देत सईने आईचा फोटो शेअर केला आहे.
मेधा यांची दुसरी लेक गौरीने देखील भावनिक पोस्ट शेअर केली आहे. तिने आईसोबतचा फोटो इन्स्टाग्राम अकाऊंटला शेअर करत, “हॅप्पी बर्थडे आई, तुझ्यावर मी खूप खूप प्रेम करते” असे कॅप्शन दिले आहे.
Leave a Reply