30 जून 2026 ही तारीख व्यावसायिकांसोबतच नोकरदार लोकांसाठी देखील महत्त्वाची आहे. कारण 30 जून 2026 ही आर्थिक बाबींसंदर्भात आणि कर संदर्भात अनेक कामं पूर्ण करण्याची शेवटची तारीख आहे. 1 जुलै 2026 पासून नवे नियम लागू होणार आहेत. जर तुम्ही 30 जून 2026 पर्यंत तुमची पेंडिग कामं पूर्ण केली नाहीत, तर तुम्हाला त्यामुळे आर्थिक दंड होण्याची तसेच तुमचं नुकसान होण्याची शक्यता आहे. तुम्हाला भविष्यात काही समस्यांचा सामना देखील करावा लागू शकतो. लोकांना शासकीय सेवांचा लाभ व्यवस्थित मिळावा, त्यामध्ये कोणताही खंड पडू नये, तसेच नागरिकांना शासकिय सेवेचा लाभ घेताना कोणतीही अडचण निर्माण होऊ नये, यासाठी सरकार आपल्या वेगवेगळ्या योजनांच्या नियमांमध्ये ठराविक कालावधीनंतर काही बदल करत असते. एक जुलैपासून काही महत्त्वाचे बदल होण्याची शक्यता आहे.
एलपीजी गॅसची इ केवायसी
जर तुम्ही एलपीजी सिलिंडरचा वापर करत असाल तर ही बातमी तुमच्यासाठी महत्त्वाची आहे. जर तुम्ही एलपीजी गॅससाठी आवश्यक इ केवायसी केली नाही तर तुम्हाला एलपीजी गॅसवर मिळणारं अनुदान बंद होऊ शकतं. विशेष: जे लोकं प्रधानमंत्री उज्जवला योजना (PMUY) चा लाभ घेतात, त्यांच्यासाठी ईकेवायसी महत्त्वाची आहे. जर ईकेवायसी वेळेत झाली नाही तर तुमचं अनुदान बंद होऊ शकतं. तुम्ही तुमच्या अधिकृत गॅस एजन्सीमध्ये जाऊन किंवा घरबसल्या तुमच्या मोबाईलवर देखील एलपीजी गॅसची ई केवायसी करू शकता.
आयटीआर
इनकम टॅक्स रिटर्न (ITR) भरण्याची शेवटची तारीख ही 31 जुलै 2026 आहे. मात्र 30 जून ही तारीख टॅक्स पेयर्ससाठी देखील महत्त्वाची आहे. कारण 30 जून रोजी इनकम टॅक्स डिपार्टमेंट स्क्रूटनी नोटीस जारी करण्याची शक्यता आहे.
एलपीजी गॅसचे दर – दर महिन्याच्या पहिल्या दिवशी एलपीजी गॅसचे नवे दर जाहीर केले जातात, अनेकदा दरामध्ये बदल देखील होतो. परंतु नुकतीच एलपीजी गॅसच्या दरामध्ये वाढ करण्यात आली आहे, त्यामुळे यावेळी एलपीजी गॅसच्या दरात कोणताही बदल होण्याची शक्यता नाही. एलपीजी गॅसचे दर स्थिर राहण्याची शक्यता आहे.
Leave a Reply