सोशल मीडियावर एक व्हिडिओ व्हायरल झालाय. त्यात सफेद रंगाच्या एका स्विफ्ट कारवर भरपूर साऱ्या kisses दिसत आहेत. यात मुलीच्या ओठांचं लिपस्टिक त्या कारवर उमटलेलं आहे. त्यामुळे रस्त्यावर धावताना लगेचच ही कार कोणाचही लक्ष वेधून घेते. मध्य प्रदेशच्या ग्वालियरमध्ये एक सोशल मिडिया इन्फ्लूएन्सर आहे. त्याने त्याच्या गर्लफ्रेंडला कारवर 3400 वेळा किस करायला लावली आहे. पण या इन्फ्लुएन्सरला आता याची किंमत चुकवावी लागतेय. पहिलं म्हणजे वाहतूक पोलिसांनी त्याला दंड ठोठावला. त्यानंतर त्याला त्याची कार साफ करायला लावली. त्या सर्व Kisses त्याला त्याच्या हाताने पुसायला लावल्या. कार मालक आदित्य सिकरवार कित्येक तास गर्लफ्रेंडने कारवर केलेल्या Kisses पुसत बसलेला. कधी कार पुसायचा तर कधी कपाळावर आलेला घाम. मध्य प्रदेशच्या वाहतूक पोलिसांनी त्याची हालत खराब करुन टाकली.
सिकरवारचे इन्स्टाग्रामवर 3000 पेक्षा कमी फॉलोअर्स होते. म्हणून त्याला व्हायरल होणारा काँटेट बनवून स्वत:ची लोकप्रियता वाढवायची होती. यासाठी त्याने हे सर्व केलं. व्हायरल होण्यासाठी त्याने जी पद्धत अवलंबली ती चक्रावून टाकणारी होती. त्याने आपल्या गर्लफ्रेंडला कारवर सर्वत्र किस करायला सांगितलं. त्याने गर्लफ्रेंडला 4 तासात 3400 वेळा किस करायला लावली.
खूप वैतागून त्याने हे काम केलं
गर्लफ्रेंड हे काम करताना तो व्हिडिओ बनवत होता. सिकरवारने हा व्हिडिओ इन्स्टाग्रामवर अपलोड केल्यानंतर तो व्हिडिओ व्हायरल झाला. एक रील तर दिवसभरात 55 लाख लोकांनी पाहिली. व्हायरल व्हिडिओमध्ये कार रस्त्यावर पळताना संपूर्ण कारभर केलेले Kisses चे निशाण स्पष्टपणे दिसत होते. वाहतूक पोलिसांनी आदित्य सिकरवारला 5500 रुपयांचा दंड ठोठावला आणि कपडा, पाण्याची बादली घेऊन तिच कार त्याला धुवायला लावली.
एक-एक किस पुसण्यासाठी त्याला चांगलं 10 ते 15 वेळा कार कपड्याने पुसावी लागली. खूप वैतागून त्याने हे काम केलं. पुन्हा असं करणार नाही असं शब्द त्याने दिला. सध्याच्या जमान्यात सोशल मीडियावर लोकप्रिय होण्यासाठी कोण काय करेल याचा नेम नाही. मध्य प्रदेशमधला हा प्रकार खूपच विचित्र आहे.
Leave a Reply