Ketan Agrawal Case : सिया गोलयची तुलना सुशांत सिंग राजपूतच्या एक्स-गर्लफ्रेंडशी, प्रसिद्ध दिग्दर्शक म्हणतोय, ‘आपण सर्वांनी ती सर्कस…’

Ketan Agrawal Case : दिग्दर्शक संजय गुप्ता यांनी असं ट्विट केलं आहे, ज्यामुळे सोशल मीडिया युजर्सने त्याच्यावर निशाणा साधला आहे. संजय यांनी पुण्यातील केनत अग्रवाल हत्याकांडातील आरोपी सिया गोयल हिची तुलना दिवंगत अभिनेता सुशांत सिंह राजपूत याची एक्स-गर्लफ्रेंड आणि अभिनेत्री रिया चक्रवर्ती हिच्या ‘मीडिया ट्रायल’शी केली आहे… ज्यामुळे सोशल मीडियावर अनेकांनी संताप व्यक्त करत दिगग्दर्शकावर निशाणा साधला आहे. सांगायचं झालं तर, केतन अग्रवाल याची हत्या झाल्यानंतर राज्यातच नाही तर, देशभरात खळबळ उडाली आहे. केतन हत्या प्रकरणात पोलीस चौकशी आणि केस सुरु असताना दिग्दर्शकाने केलेल्या ट्विटमुळे सोशल मीडियावरील वातावरण तापलं आहे..

संजय गुप्ता यांचं ट्विट

संजय गुप्ता एक्सवर ट्विट करत म्हणाले, ‘मी कोणता निर्णय सुनावत नाहीये आणि कोणाची बाजू देखील मांडत नाहीये. मला फक्त एवढंच बोलायचं आहे की, आपण सिला हिच्यासोबत अशी वागणूक बंद केली पाहिजे, जशी रिया चक्रवर्ती हिच्यासोबत केलेली?’, ‘मीडिया ट्रायल’च्या दिशेने संकेत देत, दिग्दर्शक म्हणाले, ‘आपण सर्वांनी ती सर्कस पाहिली आहे आणि पुरावे न सापडल्याने निकाल काय लागला हे देखील पाहिलं आहे.’, गुप्ता यांच्या या ट्विटनंतर अनेकांनी संताप व्यक्त केला. सांगायचं झालं तर, सुशांत याच्या हत्येनंतर रिया हिला अत्यंत वाईट रित्या ट्रोल करण्यात आलं.

 

Not standing in judgement. Not taking sides. Just saying — can we please stop doing to Siya what we did to Rhea?
We all watched that circus. The trial-by-television. The verdict before the evidence.
We never learn.

— Sanjay Gupta (@_SanjayGupta) July 1, 2026

 

सुशांत सिंह राजपूत हत्या प्रकरण

सुशांत याच्या मृत्यूनंतर रिया हिला बहिष्काराचा देखील सामना करावा लागलेला. एवढंच नाही तर, रिया हिला तब्बल 27 दिवसांचा तुरुंगवास देखील भोगावा लागलेला. पण अनेक वर्ष कोर्टाच्या फेऱ्या मारल्यानंतर अखेर, अभिनेत्रीला सुशांत सिंह राजपूत हत्या प्रकरणात क्लिनचीट मिळाली. याप्रकरणातून बाहेर आल्यानंतर रिया हिने तिच्या वाईट काळाबद्दल मुलाखतींमध्ये सांगितलं. अखेर रिया हिने तिच्या नव्या आयुष्याची सुरुवात केली आहे.

केतन अग्रवाल हत्याकांड

सुरुवाताली केतन याचा अपघात झाला, असं मानलं जात होतं. पण जसा तपास पुढे सरकत गेली, तरी प्रकरणाचं वास्तव सर्वांसमोर आलं. सिया आणि बॉयफ्रेंड चेतन यांनी मिळून केतनला लोहगड किल्ल्यावरून ढकलून दिलं. सिया हिला केतन याच्यासोबत लग्न करायचं नव्हतं. म्हणून तिने बॉयफ्रेंडच्या मदतीने केतन याला मारण्याची योजना आखली. आता प्रकरणी सिया आणि चेतन दोघे तुरुंगात असून दोघांनी गुन्ह्याची कबुली दिली आहे. सध्या याप्रकरणी पोलिसांची कसून चौकशी सुरू आहे.

Source link