लोहगडावरून दरीत ढकलल्यामुळे मृत्यू झालेल्या कतेतन अग्रवालबद्दल सगळीकडे चर्चा सुरू आहे. जसजसे दिवस उलटत आहेत तसतशी या हत्याकांडाप्रकरणी रोज नवी माहिती, नवे खुलासे समोर येत आहेत. या केसच्या तपासादरम्यान पोलिसांनी आत्तापर्यंत अनेकांचे जबाब नोंदवून घेतले असून केतनच्या हत्येचा आरोप असलेली सिया गोयल, हिचा भाऊ आणि तिच्या आई-वडिलांचीही चौकशी करण्यात आली आहे. गेल्या आठवड्यातच सिया हिचा भाऊ साहिल गोयल याला पोलिसांनी चौकशीसाठछी बोलावलं, 10-12 तास त्याला प्रश्न विचारण्यात आले, तसेच त्याचा जबाबही नोंदवण्यात आला. आता याच सियाचा भावने, साहिल गोयल याने मोठं वक्तव्य केलं असून या प्रकरणाा नवं वळण मिळू शकतं.
सियाने चेतनशी असलेल्या नात्याबद्दल तुला काही सांगितलं होतं का , तुमचं काही बोलणं झालं होतं का, याबद्दल साहिलला विचारण्यात आलं होतं. एका वृत्तवाहिनीशी संवाद साधताना त्याने सियाशी काय बोलणं झालं त्याचा खुलासा केला. मी आणि चेतन मित्र आहोत. मला माहीत नाहीये हे काय आहे, मी कन्फ्युज्ड आहे. आम्ही रिलेशनशिपमध्ये आहोत असं सियाने मला कधीच सांगितलं नाही. आम्ही दोघं एकत्र असतो, मला चांगलं वाटतं. We are Happy when we are Together, it is very early to say anything असं सियाने आपल्याला सांगितल्याचं साहिलने नमूद केलं. तिला कन्फ्युजन होतं असंही तो म्हणाला.
लोकं मैत्रीला प्रेम समजतात
त्याचं काय होतं याबद्दल ती कन्फ्युज होती. त्यावर मी तिला म्हणालो ठीक आहे, असं होत असतं. तू खूप लहान आहेस, वय लहान आहे तुझं. इट्स ओके. बऱ्याचदा असं होतं की लोकं मैत्रीला प्रेम समजतात कधीकधी. तु जर म तर ला म्हणाली आहेस की तुला केतनसोबत नात्यात पुढे जायचं आहे, तर ठीक आहे. हे आपलं सीक्रेट राहील. मी कोणालाच काही सांगणार नाही, असं मी सियाला सांगितल्याचं साहिलने नमूद केलं.
तर मी आई-वडिलांना सांगितलं असतं..
पण तिने जर म्हटलं असतं की मला चेतनसोबत जायचं आहे, तर आम्ही ही गोष्ट नक्कीच आमच्या पालकांना सांगितली असती, आम्ही त्यांच्याशी बोललो असतो. आम्ही हा ( केतन- सियाचा) साखरपुडा मोडला असता, असं साहिल म्हणाला. पण मी याबाबत कोणालाच सांगितलं नाही. माझ्या आई-वडिलांनाही नाही, असंही तो पुढे बोलताना म्हणाला.
चेतनचं होणार गेट ॲनॅलिसिस
दरम्यान केतन अग्रवाल हत्या प्रकरणी अटकेत असलेल्या सिया गोयल आणि केतन चौधरी यांची पोलीस कोठडीची मुदत काल संपली. त्यानंतर न्यायालयासमोर हजर करण्यात आल्यावर न्यायालयाने त्यांना 3 जुलैपर्यंत पोलीस कोठडी ठोठावली. आता पोलीसांकडून चेतन याचे गेट ॲनॅलिसिस केलं जाणार आहे. एआयच्या माध्यमातून केतन चौधरीचा वॉकिंग पॅटर्न तपासण्यात येणार आहे. लोणावळ्यातील लोहगड किल्ल्यावरील सीसीटीव्ही फुटेजमध्ये दिसणाऱ्या व्यक्तीची चालण्याची पद्धत आणि विशेषतः या उद्देशासाठी रेकॉर्ड केलेला चेतनच्या चालण्याचा व्हिडिओ यांची तुलना केली जाईल.
Leave a Reply