बॉलिवूडची अभिनेत्री करिश्मा कपूर हिने उद्योजक असलेल्या संदय कपूरशी लग्न केलं होतं. पण हे लग्न फार काळ टिकलं नाही. दोघांनी विभक्त होण्याचा निर्णय घेतला. विभक्तही झाले. त्यानंतर संजय कपूरने दुसरं लग्न केलं. पण त्यांना जास्त आयुष्य लाभलं नाही. त्यांचा अकस्मिक मृत्यू झाला. त्यानंतर संजय कपूर यांच्या प्रॉपर्टीचा वाद कोर्टात गेला. करिश्माने प्रॉपर्टीवर हक्क सांगितला. त्यामुळे करिश्मा कपूर आणि संजय कपूर यांची पुन्हा चर्चा होऊ लागली आहे. 2016मध्ये दोघे वेगळे झाले होते, तेव्हा त्यांच्यात काय डील झाली होती? करोडोच्या प्रॉपर्टीची सेटलमेंट कशी झाली होती? त्याचीच माहिती आता 12 वर्षानंतर समोर आली आहे.
गेल्यावर्षी पोलो खेळत असताना मधमाशी गिळल्यामुळे संजय कपूर यांचं निधन झालं. 2014मध्ये संजय कपूर आणि करिश्मा यांनी वेगळं होण्याचा निर्णय घेतला होता. दोघांनी मिळून घटस्फोटाचा अर्ज केला होता. पण करिश्माने काही गंभीर आरोप संजय कपूर यांच्यावर केल्याने यावर कायदेशीर वाद झाले. करिश्माने संजय कपूरवर शारीरिक आणि मानसिक शोषणाचा आरोप लावला होता. हनीमूनच्यावेळी संजय कपूर यांनी त्यांच्या मित्रांसोबत झोपण्यास सांगितलं होतं, असा गंभीर आरोप करिश्माने लावला होता. तसेच प्रेग्नंट असताना संजय कपूर यांनी त्यांच्या आईला माझ्या कानाखाली मारायला सांगितलं होतं, असा आरोपही करिश्माने केला होता. संजयने करिश्माला गोल्ड डिगर म्हटलं होतं.
2016मध्ये विभक्त
कोर्टात घटस्फोटाचं प्रकरण गेल्यानंतर सार्वजनिकरित्या दोन वर्ष एकमेकांवर आरोप केल्यानंतर 2016मध्ये करिश्मा आणि संजय यांचा सहमतीने घटस्फोट झाला होता. त्यांच्या घटस्फोटाची डील कोर्टाने गोपनीय ठेवली होती. पण मीडिया रिपोर्ट्समध्ये अनेक गोष्टी समोर आल्या होत्या.
मुलांचा ताबा करिश्माकडे
घटस्फोट मंजूर झाला तेव्हा करिश्माला समायरा आणि कियान या दोन्ही मुलांचा ताबा मिळाला होता. तसेच संजय यांना मुलांना भेटण्याचा आणि त्यांच्यासोबत वेळ घालवण्याचा अधिकार मिळाला होता.
मुंबईत अलिशान बंगला
घटस्फोटाच्या अटीनुसार, संजय कपूर यांनी करिश्माला त्यांच्या वडिलांचा मुंबईतील अलिशान बंगला दिला होता. तसेच करिश्माचे लग्नाचे सर्व दागिनेही परत केले होते.
मुलांसाठी बॉन्ड
सूत्रांच्या माहितीनुसार, संजय कपूर यांनी कियान आणि समायरा या दोन्ही मुलांसाठी 14 कोटींचे बाँड खरेदी केले होते. त्यावर प्रत्येक महिन्याला 10 लाख रुपये व्याज मिळते.
आरोप मागे घेतले
संजय आणि करिश्मा यांचा सहमतीने घटस्फोट झाल्यानंतर करिश्माने संजय यांच्यावरील सर्व आरोप आणि गुन्हे मागे घेतले होते. कौटुंबिक हिंसाचाराचे गुन्हे मागे घेतले होते. तर, संजय यांनी दोन्ही मुलांचा ताबा करिश्माकडे दिला होता.
किती पोटगी मिळाली?
करिश्माला घटस्फोटामध्ये संजय कपूर यांनी मोठी पोटगी दिली होती. संजय कपूर यांनी तिला 70 कोटी रुपये पोटगी दिल्याचं सांगितलं जातं.
Leave a Reply