राहुल गांधी यांच्या ठिय्या आंदोलनानंतर केंद्र सरकारकडून महत्त्वाची हालचाल करण्यात आली आहे. केंद्रीय मंत्री जितेंद्र सिंह यांनी आंदोलनस्थळी जाऊन राहुल गांधी यांची भेट घेतली. दोघांमध्ये विविध मुद्द्यांवर चर्चा झाली. आता या भेटीनंतर जितेंद्र सिंह हे केंद्रीय गृहमंत्री अमित शाह यांची भेट घेणार असल्याने राजकीय घडामोडींना वेग आला आहे.
मिळालेल्या माहितीनुसार, राहुल गांधी यांनी चर्चेदरम्यान एकूण 5 प्रमुख मागण्या मांडल्या. यामध्ये केंद्रीय शिक्षणमंत्री धर्मेंद्र प्रधान यांनी राजीनामा द्यावा, अशी पहिली मागणी करण्यात आली. तसेच NEET पेपर लीक प्रकरणाची सखोल चौकशी व्हावी, विद्यार्थ्यांच्या आंदोलनावर संसदेत निवेदन द्यावे आणि संबंधित प्रकरणात पारदर्शक कारवाई करावी, अशाही मागण्या त्यांनी मांडल्या.
दरम्यान, जितेंद्र सिंह आता अमित शाह यांची भेट घेणार असल्याची माहिती समोर आली आहे. या बैठकीत राहुल गांधी यांनी मांडलेल्या मागण्यांवर चर्चा होण्याची शक्यता व्यक्त केली जात आहे. त्यामुळे केंद्र सरकार पुढे कोणता निर्णय घेणार, याकडे विद्यार्थी, पालक आणि देशभरातील राजकीय वर्तुळाचे लक्ष लागले आहे.
Leave a Reply