वेस्ट इंडिज संघाचा माजी कर्णधार जेसन होल्डरने वनडे क्रिकेटमधून निवृत्ती घेतल्याच्या बातमीवर मुख्य प्रशिक्षक डॅरेन सॅमी यांनी शिक्कामोर्तब केलं आहे. सॅमीने विजडन क्रिकेटच्या पॉडकास्टवर याबाबतची माहिती दिली. सॅमीने सांगितलं की, होल्डरने वनडे क्रिकेटमधून निवृत्ती घेतली आहे. पण कसोटी क्रिकेट खेळणार असल्याचंही स्पष्ट केलं आहे. वनडे क्रिकेटमधून जेसन होल्डरने निवृत्ती घेतल्याचं हे अधिकृत विधान आहे. त्यामुळे गेल्या काही दिवसांपासून सुरू असलेल्या उटलसूलट चर्चांना पूर्णविराम लागला आहे. दुसरीकडे, वेस्ट इंडिजचा माजी कर्णधार जेसन होल्डरने याबाबत स्वत: काही सांगितलं नाही. पण डॅरेन सॅमी यांना जेव्हा वेस्ट इंडिजच्या पुढच्या प्लानबाबत विचारलं गेलं आणि त्यात होल्डर बसतो का? तेव्हा सॅमी यांनी त्याच्याबाबतची माहिती दिली.
काय म्हणाला डॅरेन सॅमी?
डॅरेन सॅमी यांनी सांगितलं की, जेसन होल्डर अद्यापही कसोटी संघाचा भाग आहे. त्याने वनडे क्रिकेटमधून निवृत्ती घेतली आहे. पण कसोटी खेळण्यास त्याची अजूनही पसंती आहे. होल्डर फ्रेंचायझी क्रिकेट खेळत आहे. त्यामुळे त्याच्या खेळण्यााबबत एक मोठा प्रश्न आहे. डॅरेन सॅमीने त्याच्या निवृत्तीबाबत सांगताच क्रीडाविश्वात खळबळ उडाली आहे. पुढच्या वर्षी वनडे वर्ल्डकप 2027 स्पर्धा होणार आहे. त्या आधीच त्याने निवृत्ती जाहीर केल्याने आश्चर्य व्यक्त होत आहे. जेसन होल्डरने 2013 ते 2023 या कालावधीत दहा वर्षे त्याने आंतरराष्ट्रीय वनडे क्रिकेट खेळलं.
Daren Sammy confirms that Holder has retired from ODIs but is available for test cricket once schedules align.https://t.co/HHbCqe4rwR
— Caribbean Cricket Podcast (@CaribCricket) July 11, 2026
जेसन होल्डरने 86 सामन्यात वेस्ट इंडिजचं कर्णधारपद भूषवलं आहे. जेसन होल्डरने 138 वनडे आंतरराष्ट्रीय सामने खेळले आहेत. त्यात त्याने 24.85 च्या सरासरीने 2237 धावा केल्या आहेत. यात त्याची 99 धावांची खेळी सर्वोत्तम ठरली आहे. खालच्या फळीत फलंदाजी करणाऱ्या जेसन होल्डरला एकही शतक ठोकता आलं नाही. पण 11 अर्धशतकं ठोकली आहेत. तर अष्टपैलू कामगिरी करणाऱ्या जेसनने 36.96 च्या सरासरीने 159 विकेट घेतल्या आहे. यात दोन वेळा पाचहून अधिक विकेट घेण्याचा मान मिळवला आहे. इतकंच काय तर वनडे कारकिर्दीत 65 विकेट घेतल्या आहेत.
Leave a Reply