Jana Nayagan : ‘जन नायकन’साठी थिएटर्समध्ये चाहत्यांचा धुमाकूळ; कुठे दुग्धाभिषेक तर कुठे आतषबाजी

तमिळनाडूचे मुख्यमंत्री आणि साऊथ सुपरस्टार थलपती विजय यांच्या करिअरमधील शेवटचा चित्रपट अखेर थिएटरमध्ये प्रदर्शित झाला आहे. गेल्या अनेक महिन्यांपासून प्रेक्षक या चित्रपटाच्या प्रदर्शनाची आतुरतेने प्रतीक्षा करत होते. अखेर ही प्रतीक्षा संपताच चाहत्यांनी एखाद्या उत्सवाप्रमाणेच आनंद साजरा केला आहे. ‘जन नायकन’च्या प्रदर्शनाचा दिवस हा जणू एखाद्या सणाप्रमाणेच तमिळनाडूमध्ये साजरा केला जात आहे. संपूर्ण तमिळनाडूत या चित्रपटाविषयी प्रचंड उत्सुकता पहायला मिळतेय. अनेक ठिकाणी थिएटर्सबाहेर डान्स, लेझर शो, ड्रोन शो आणि विशेष सांस्कृतिक कार्यक्रमांचं आयोजन करण्यात आलं. चाहत्यांसोबतच विजय यांच्या टीव्हीके पक्षाचे कार्यकर्तेसुद्धा हा आनंद धूमधडाक्यात साजरा करत आहेत. या सेलिब्रेशनचे व्हिडीओ सोशल मीडियावर व्हायरल होत आहेत.

‘जन नायकन’ हा थलपती विजय यांच्या करिअरमधील शेवटचा चित्रपट आहे. मुख्यमंत्री होण्यापूर्वीच त्यांनी ही गोष्ट जाहीर केली होती. त्यामुळे त्यांच्या चाहत्यांसाठी हा एक भावनिक क्षणसुद्धा आहे. चेन्नईच्या वूडलँड्स आणि कसिनो यांसारख्या थिएटर्समध्ये प्रदर्शनापूर्वी सांस्कृतिक कार्यक्रम पार पडले. तर रात्री लेझर शो आणि ड्रोन शो आयोजित करण्यात आले होते. काही ठिकाणी ढोल वाजवत, नृत्य करत चाहत्यांनी हा आनंद साजरा केला.

पहा व्हिडीओ-

VIDEO | Celebrations across Tamil Nadu to welcome the theatrical release of Chief Minister C Joseph Vijay starrer ‘Jana Nayagan’. Fans pour milk over Vijay’s poster outside a cinema hall in Madurai.#JanaNayagan #CMVijay‌ #TamilNaduNews

(Full video available on PTI Videos -… pic.twitter.com/88FhnsQ0Xm

— Press Trust of India (@PTI_News) July 23, 2026

THALAPATHY MODE ON #JanaNayagan pic.twitter.com/s2ZmZNu6gS

— Harish N S (@Harish_NS149) July 23, 2026

तमिळनाडूचे परिवहन मंत्री विजय तामिळन पार्थिबन म्हणाले की, ‘जन नायकनचं प्रदर्शन हे दिवाळी आणि पोंगलपेक्षा कमी नाही. या चित्रपटातील माझी छोटीशी भूमिका हा माझ्या आयुष्यातील सुवर्णक्षण आहे.’ तर टीव्हीकेचे आमदार के. व्ही. विजयधामू म्हणाले की, ते एक आमदार म्हणून नाही तर एक सामान्य चाहता म्हणून या चित्रपटाचा आनंद घेतील. यावेळी त्यांनी अशीही घोषणा केली की, चेन्नईमधील जवळपास 100 लोकांना हेल्मेट वाटण्यात येतील. दक्षिणेतल्या राज्यातील परंपरेनुसार, अनेक ठिकाणी थलपती विजय यांच्या पोस्टरवर दुग्धाभिषेक करण्यात आला, अन्नदान करण्यात आलं. काही ठिकाणी फटाक्यांची आतषबाजीही करण्यात आली. तर सकाळपासूनच थिएटर्सबाहेर लांबच लांब रांगा लागलेल्या आहेत. एच. विनोद दिग्दर्शित ‘जन नायकन’ या चित्रपटात थलपती विजय यांच्यासोबतच पूजा हेगडे, बॉबी देओल, मामिता बैजू, गौतम मेनन, प्रकाश राज आणि नारायण यांच्या मुख्य भूमिका आहेत.

Source link