IPL 2027: ऋषभ पंत लखनौ आणि कुलदीप यादव दिल्लीची साथ सोडणार, या संघाकडून खेळणार

आयपीएल 2026 स्पर्धेत लखनौ सुपर जायंट्स आणि दिल्ली कॅपिटल्स संघाने सुमार कामगिरी केली. या पर्वातही दोन्ही संघांचं जेतेपदाचं स्वप्न साखळी फेरीच्या काही सामन्यातच संपुष्टात आलं. ऋषभ पंतच्या नेतृत्वात लखनौ सुपर जायंट्सची कामगिरी एकदम खराब झाली. त्यामुळे पुढच्या पर्वात संघात बदल होणार हे निश्चित होतं. त्यात ऋषभ पंत कर्णधारपदावरून पायउतार झाला आहे. त्यात लखनौ सुपर जायंट्स त्याला एका पर्वासाठी 27 कोटी रुपये देते. त्यात त्याची कामगिरी काही खास नाही. त्यामुळे फ्रेंचायझी त्याला रिलीज करण्याची शक्यता वाढली आहे. तर कुलदीप यादवही दिल्ली कॅपिटल्सची साथ सोडणार असल्याची माहिती आहे. रिपोर्टनुसार, कुलदीप यादव आयपीएल 2027 स्पर्धेत दिल्ली कॅपिटल्स ऐवजी लखनौ सुपर जायंट्स संघाकडून खेळणआर आहे. तर ऋषभ पंतचं दिल्ली कॅपिटल्स संघात पुनरागमन होऊ शकते.

ऋषभ पंत लखनौ सुपर जायंट्स सोडणार कारण…

आयपीएल स्पर्धेच्या इतिहासात सर्वात मोठी बोली लावून संजीव गोयंका यांनी ऋषभ पंतला संघात घेतलं होतं. लखनौ सुपर जायंट्सने त्याच्यासाठी 27 कोटींची विक्रमी बोली लावली होती. ऋषभ पंतची संघात एन्ट्री झाल्यानंतर संजीव गोयंका यांनी दावा केला होता की, हा खेळाडू पुढच्या 10 वर्षात अनेकदा आयपीएल जिंकणार. पण आता त्याला दोन वर्षात संघातून डच्चू देण्याची शक्यता वाढली आहे. ऋषभ पंतने आयपीएल 2025 स्पर्धेत 269 धावा, तर 2026 मध्ये फक्त 312 धावा केल्या होत्या.

कुलदीप यादव दुसरा पर्याय शोधणार?

कुलदीप यादव दिल्ली कॅपिटल्स सोडणार असल्याच्या चर्चांना उधाण आलं आहे. पण असं खरंच आहे का आणि का ते स्पष्ट नाही. आयपीएल 2026 स्पर्धेत त्याने चांगली कामगिरी केली होती. त्याने 12 सामन्यात 10 विकेट घेतल्या होत्या. तसेच त्याचा इकोनॉमी रेटही 10 धावांपेक्षा अधिक प्रति षटक होता. कुलदीप यादवला दिल्लीने 13.25 कोटी रिटेन केलं होतं. दिल्ली कॅपिटल्ससोबत 2022 पासून आहे. पण आता दुसऱ्या संघात खेळण्याची इच्छा आहे. त्यामुळे येत्या काही दिवसात खेळाडूंची देवाणघेवाण होताना दिसतील.