आयपीएल 2026 स्पर्धेतील 67वा सामना रॉयल चॅलेंजर्स बंगळुरू आणि सनरायझर्स हैदराबाद यांच्यात लढत झाली. हा सामना सनरायझर्स हैदराबादने जिंकला. पण टॉप 2 गणित काही सोडवता आलं नाही. सनरायझर्स हैदराबादने टॉप 2 गणित सोडवण्यासाठी प्रथम फलंदाजी स्वीकारली. सनरायझर्स हैदराबादने 20 षटकात 4 गडी गमवून 255 धावा केल्या. तसेच विजयासाठी 256 धावा दिल्या. खरं तर हा सामना सनरायझर्स हैदराबादने जिंकला पण टॉप 2 चं गणित काही सोडवता आलं नाही. खरं तर आरसीबीला 165 धावांवर रोखणं गरजेचं होतं. पण तसं करण्यात सनरायझर्स हैदराबादला अपयश आलं. आरसीबीने 4 गडी गमवून 200 धावा केल्या आणि हैदराबादने 55 धावांनी हा सामना जिंकला. त्यामुळे नेट रनरेटचं गणित चुकलं. सनरायझर्स हैदराबादचे 18 गुण झाले आणि नेट रनरेट हा +0.524 आहे. पण गुजरात टायटन्सच्या +0.695 नेट रनरेटच्या पुढे काही जाऊ शकला नाही. त्यामुळे हैदराबादला एलिमिनेटर सामन्यात खेळावं लागणार आहे. तर क्वॉलिफायर 1 मध्ये आरसीबीचा सामना गुजरात टायटन्सशी होईल. हा सामना 26 मे रोजी होणार आहे. तर एलिमिनेटर सामना 27 मे रोजी होईल.
सनरायझर्स हैदराबादचा सामना कोणाशी?
सनरायझर्स हैदराबादचे 18 गुण असले तर नेट रनरेटच्या बाबतीत तिसऱ्या स्थानावर आहे. त्यामुळे एलिमिनेटर फेरीत खेळावं लागणार आहे. एलिमिनेटर फेरीतील चौथा संघ अजून काही ठरलेला नाही. या शर्यतीत राजस्थान रॉयल्स, पंजाब किंग्स, केकेआर आणि दिल्ली कॅपिटल्स हे संघ आहे. त्यामुळे चार संघांपैकी जो संघ गुण आणि नेट रनरेटचं गणित सोडवेल त्याला एलिमिनेटर फेरीत खेळण्याची संधी मिळेल. त्यामुळे तारेवरची करसत असणार आहे. सर्व गणित एकमेकांच्या जय पराजयावर अवलंबून आहे.
राजस्थान रॉयल्सला एलिमिनेटर खेळण्याची सोपी संधी आहे. शेवटचा सामना मुंबई इंडियन्सशी होणार आहे. हा सामना जिंकला तर चौथ्या स्थानी विराजमान होतील. पण हा सामना गमावला तर पत्ता कट होऊ शकतो. पंजाब किंग्स आणि केकेआरला तशीच संधी आहे. या दोन्ही शेवटचा सामना जिंकला तर 15 गुण होतील. पण या दोन्ही संघांना राजस्थान रॉयल्सच्या पराभवाची वाट पाहावी लागेल. दुसरीकडे, या राजस्थान रॉयल्स, केकेआर आणि पंजाब किंग्सचा शेवटच्या सामन्यात पराभव झाला, तर दिल्ली कॅपिटल्सला नेट रनरेटच्या आधारावर प्लेऑफचं चौथं स्थान गाठता येऊ शकतं.
Leave a Reply