भारत आणि अफगाणिस्तान यांच्यात तीन सामन्यांची वनडे मालिकेतील पहिला सामना होत आहे. पावसाच्या व्यत्ययामुळे दुपारी 1.30 वाजता सुरू होणारा सामना चार तास उशिराने म्हणजे 5.45 मिनिटांनी सुरू होणार आहे. त्या चार पावसामुळे वाय गेल्याने हा सामना आता प्रत्येकी 25 षटकांचा होणार आहे. यामुळे पाच गोलंदाजांना प्रत्येकी 5 षटकं टाकता येईल. तसेच बॅटिंग पावरप्ले हा 5 षटकांचा असणार आहे. दरम्यान, नाणेफेकीचा कौल हा भारताचा बाजूने लागला आणि कर्णधार शुबमन गिलने प्रथम गोलंदाजी करण्याचा निर्णय घेतला आहे. भारताकडून वनडे मालिकेत दोन खेळाडूंना पदार्पणाची संधी मिळाली आहे. हर्ष दुबे आणि गुरनूर ब्रार यांची प्लेइंग 11 मध्ये निवड झाली आहे. केएल राहुलने हर्ष दुबेला कॅप घातली, तर कर्णधार शुबमन गिलने गुरनूर ब्रारला टोपी घालून संघात स्वागत केलं.
शुबमन गिल म्हणाला की, ‘आम्ही प्रथम गोलंदाजी करू. आकाश थोडे ढगाळ आहे, त्यामुळे गोलंदाजांना थोडी मदत मिळू शकते. खेळपट्टी चांगली दिसतेय, फलंदाजीसाठी चांगली आहे, सुरुवातीला वेगवान गोलंदाजांसाठी काहीतरी घडू शकते. आमच्यासाठी काय उपयुक्त ठरते हे पाहण्यासाठी वेगवेगळे संयोजन आजमावून पाहणे महत्त्वाचे आहे. विश्वचषकापूर्वी आम्ही सुमारे 15.20 एकदिवसीय सामने खेळणार आहोत, त्यामुळे नवीन गोष्टी आजमावून पाहणे महत्त्वाचे आहे. आम्ही दोन पदार्पण करणाऱ्या खेळाडूंना संधी देत आहोत. जयस्वाल, प्रिन्स आणि कुलदीप यांना संघातून वगळण्यात आले आहे.’
हशमतुल्ला शाहिदी म्हणाला की, ‘आम्हाला प्रथम गोलंदाजी करायची होती, पण ते आमच्या हातात नाही; आम्हाला फलंदाजीची चांगली सुरुवात करणे आवश्यक आहे. आम्ही अलीकडच्या काळात खूप चांगली कामगिरी केली आहे. आम्ही पहिल्यांदाच भारतासोबत त्यांच्या घरच्या मैदानावर खेळत आहोत, आम्ही उत्साहित आहोत आणि आशा आहे की आम्ही चांगली कामगिरी करू. संघात तीन वेगवान गोलंदाज आणि तीन फिरकी गोलंदाज आहेत, त्यापैकी एक वेगवान गोलंदाज अष्टपैलू आहे.’
दोन्ही संघाची प्लेइंग 11
अफगाणिस्तान (प्लेइंग इलेव्हन): इब्राहिम झद्रान, रहमानउल्ला गुरबाज, सेदीकुल्लाह अटल, रहमत शाह, हशमतुल्ला शाहिदी (कर्णधार), अजमातुल्ला उमरझाई, इक्रम अलीखिल (विकेटकीपर), रशीद खान, मोहम्मद सलीम साफी, एएम गझनफर, झिया उर रहमान शरीफी.
भारत (प्लेइंग इलेव्हन): शुबमन गिल (कर्णधार), रोहित शर्मा, केएल राहुल, श्रेयस अय्यर, इशान किशन (विकेटकीपर), वॉशिंग्टन सुंदर, नितीश कुमार रेड्डी, हर्ष दुबे, गुरनूर ब्रार, अर्शदीप सिंग, प्रसिद्ध कृष्णा.
Leave a Reply