हॅरी पॉटर आणि त्याचं जादुई जग.. चित्रपट किंवा पुस्तकातून आपल्यापैकी अनेकांनी याची सफर केलीच असेल. जगभरात हॅरी पॉटरचे लाखो चाहते आहेत. त्याच्या पुस्तकांनी आणि हॉलिवूडमधील चित्रपटांनी अनेकांना वेड लावलंय. पण हाच हॅरी पॉटर चित्रपट बॉलिवूडमध्ये बनला तर ? हॅरी, हर्मायन, रॉन , हॅग्रिड , स्नेप, प्रो. डम्बलडोअर आणि ज्याचं नाव घ्यायला सगळे कचरातात, त्या व्हॉल्डमॉर्टची भूमिका कोण साकारेल बरं ? सध्या एक AI जनरेटेड व्हिडीओ प्रचंड व्हारल झाला असून सोशल मीडियावर त्याची खूप चर्चा होत्या. हॅरी पॉटरच्या दुनियेत, बॉलिवूडचे कलाकार कसे दिसतील, कोण कुठली भूमिका निभावेल, हे इमॅजिन करून त्यात दाखवण्यात आलं आहे.
या व्हिडिओमध्ये ‘हॅरी पॉटर’ च्या अवतारातील कार्तिक आर्यनचा हे सर्वात मोठे आकर्षण ठरलं आहे. एआयने (AI) त्याचे गोलाकार चष्मे, तो विशिष्ट लूक आणि त्या पात्रातील निरागसपणा इतक्या उत्कृष्टपणे आणि हुबेहूब टिपलाय की, चाहत्यांना कार्तिक या भूमिकेसाठी अगदी योग्य वाटतोयहे. सध्या हा व्हिडिओ केवळ सोशल मीडियावरच व्हायरल झाला नाही, तर बॉलीवूड आणि हॅरी पॉटरच्या चाहत्यांमध्येही चर्चेचा विषय बनला आहे.
चाहत्यांना आवडला हॅरी पॉटरचा हा व्हिडीओ
ही संकल्पना प्रेक्षकांना, विशेषतः हॅरी पॉटरच्या चाहत्यांना खूपच आवडली आहे. कारण यात बॉलीवूडमधील कलाकारांना ‘हॉगवर्ट्स’च्या जादुई विश्वात अत्यंत अचूकपणे साकारण्यात आलं आहे. जर या इमेज मा ‘एआय’ (AI) द्वारे तयार केल्याचं सांगितलं नसतं, तर या कलाकारांना खरोखर एखाद्या चित्रपटात भूमिका मिळाली आहे का किंवा ‘हॅरी पॉटर’ची बॉलीवूड आवृत्ती खरंच तयार होत आहे का, असा प्रश्न तुम्हालाही क्षणभर नक्कीच पडला असता. एवढ्या त्या इमेजेस हुबेहूब दिसतायत.
सोशल मीडियावर युजर्सनी यावर बऱ्याच प्रतिक्रिया दिल्या आहेत. अनेकांचे असे मत आहे की, कार्तिकची एनर्जी, सहज जुळणारं व्यक्तिमत्व आणि त्याचा स्क्रीन प्रेझेन्स हे हॅरी पॉटरच्या पात्राशी हुबेहूब जुळतं. नेमके याच कारणामुळे त्याचा हा नवा लूक व्हायरल ट्रेंडमधील सर्वाधिक चर्चेचा विषय बनला आहे.
हॅरीच्या जगात कोण साकारणार कुठली भूमिका ?
या व्हिडिओमध्ये हॉगवर्ट्सच्या जगातील इतर पात्रांसाठी बॉलीवूडमधील कलाकारांची खूप इंटरेस्टिंग पात्रं दाखवण्यात आली आहे. यात क्रिती सनॉनला हर्माइनी ग्रेंजर, वरुण धवनला रॉन वीझली, रणबीर कपूरला ड्राको मॅल्फॉय आणि सैफ अली खानला सेव्हरस स्नेपच्या भूमिकेत दाखवण्यात आलं आहे. तर विख्यात जादूगार आणि हॉगवर्ट्सचे मुख्याध्यापक, प्रो. डम्बलडोअर म्हणून नसीरुद्दीन शाह, ल्युपिन म्हणून मनोज वाजपेयी, डोलोरेस अम्ब्रिज म्हणून विद्या बालन, बेलाट्रिक्स लेस्ट्रेंजच्या भूमिकेत कंगना रानौत दाखवण्यात आली आहे. या सीरिजमधील सर्वात बयावह जादूगार, लोकांना ज्याचं नाव घ्यायलाही भीती वाटते तो म्हणजे लॉर्ड व्हॉल्डमॉर्ट.. त्याच्या भूमिकेत संजय दत्तला AI च्या माध्यमातून दाखवण्यात आलं आहे.
View this post on Instagram
मात्र हा व्हिडीओ फक्त AIचा क्रिएटिव्ह एक्सपेरिमेंट असला तरी हॅरी पॉटरच्या चाहत्यांना मात्र तो प्रचंड आवडला आहे. तुम्हाला आवडल का हा व्हिडीओ ?
Leave a Reply