Govinda : गेल्या काही दिवसांपासून अभिनेता गोविंदा त्याच्या प्रोफेशनल आयुष्यामुळे नाही तर, खासगी आयुष्यामुळे चर्चेत आला आहे. गोविंदा याची बायको सुनीता आहुजा हिने गोविंदा यांचे अनेक महिलांसोबत अफेअर आहे… असे गंभीर आरोप केले, अशात एका मुलीसोबत अभिनेत्याच्या व्हिडीओ देखील सोशल मीडियावर सर्वत्र व्हायरल झाला. कोमल असं त्या अभिनेत्रीचं नाव आहे. व्हिडीओ व्हायरल झाल्यानंतर सर्वत्र फक्त गोविंदा आणि कोमल यांच्या रिलेशनशिपच्या चर्चांना उधाण आलं आहे. एवढंच नाही तर, एका मुलाखतीत सुनीताने सांगितलेलं, ‘कोमल नावाचा मला प्रचंड तिरस्कार आहे…’, यावर आता गोविंदा याने स्पष्टीकरण दिलं आहे.
सांगायचं झालं तर, गोविंदाच्या वैवाहिक आयुष्याबाबत अनेक तर्कवितर्क लावले गेले आहेत. यातील नेमके सत्य कोणालाच माहीत नाही, परंतु आता अभिनेत्याने आपल्या कथित अफेअरच्या अफवा आणि पत्नी सुनीता हिने केलेले आरोप यांवर मोकळेपणाने भाष्य केलं आहे. जेव्हा गोविंदाला त्या अभिनेत्रीचं नाव सांगण्यास सांगितलं गेलं, जिच्याशी त्याचं अफेअर असल्याची चर्चा होती, तेव्हा अभिनेत्याने संबंधित महिलेचं नाव घेण्यास स्पष्ट नकार दिला.
गोविंदा म्हणाला, ‘मी कोणत्याच महिलेचं नाव कधीच घेणार नाही. कारण मला सांगण्यात आलं आहे की, मुलीचं नाव घेऊन तिला बदनाम करायचं नाही. माझ्यावर लादलेली एक अट आहे, त्यामुळे मी माझ्या सभ्यतेच्या मर्यादा ओलांडत नाहीये… मला नेहमीच असं वाटलं आहे की, जेव्हा मी प्रेमापोटी एखादी कृती करतो, तेव्हा ती कधीच वासनेतून प्रेरित झाल्यासारखी वाटत नाही. प्रेम ही एक वेगळी आणि दैवी अशी अनुभूती आहे.
बायको करत असलेल्या आरोपांवर गोविंदा म्हणाला, ‘ती मला प्रेमाने शिव्या देते, तर त्या शिव्या मी मान्य करतो… कारण मला असं वाटतं, देवाने प्रत्येकाला त्याचं एक वेगळं व्यक्तित्व दिलं आहे, प्रत्येक ठिकाणी एका खास व्यक्तीला उपस्थित केलं आहे. आज जर सुनीता नसती तर प्रसिद्धी मिळालीच नसती. आज आमच्या कुटुंबातील मुलं उच्च स्थानावर आहेत, ते फक्त आणि फक्त सुनीता हिच्यामुळे. याचं सर्व श्रेय मी सुनीताला देतो.’
गोविंदाचा व्हिडीओ
View this post on Instagram
बायको सुनीता अहुजावर नाराज आहे गोविंदा?
सुनीता कायम गोविंदावर निशाणा साधत असते, यावर अभिनेता म्हणाला, ‘अशा असंख्य गोष्टी आहेत, ज्या कधीच शब्दात सांगू शकत नाही. जर मी सांगण्याचा प्रयत्न केला तर, दुरावा निर्माण करण्यासाठी आरोप करणं गरजेचं आहे? पण सगळ्या गोष्टींपासून वाचण्यासाठी व्यक्ती बाहेर पडण्याचा पर्यात निवडतो. यश मिळवण्यासाठी आपल्या लोकांना वाईट करणं गरजेचं आहे? सुनिता असं करत आहे.’
गोविंदा पुढे म्हणाला, ‘दुसऱ्याला वाईट ठरवणं थोडं सोपं असतं. मी माझ्याबद्दल चार गोष्टी चांगल्या सांगते आणि एक गोष्ट माझ्याबद्दल वाईट सांगते… तर त्यामधील प्रेम मला दिसून येत…’, सांगायचं झालं तर, गोविंदा लवकरच चाहत्यांच्या भेटीस येणार आहे. गोविंदा याचे ‘रुपा’ आणि ‘दुनियादारी’ सिनेमा प्रदर्शित होणार आहे.
Leave a Reply